Page 276 - Неизвестное название

Күкүр хайалар күлүҥнэһэн,
Эбириэн таастар элэҥнэһэн,
11510 Турар турууктар чочоруһан,
Аарыма хайалар адаарыһан,
Барыар сыырдар барыгылдьыһан,
Бадыа-бүдүө
Барыгылдьыһан-күлүгүлдьүһэн,
Баран истилэр.
Өр да айаннаабыттарын билбэтилэр,
Өтөр да айаннаабыттарын билбэтилэр.
Сэттэ биттэхтээх
Сириэдийэр сир ийэ
11520 Сигидийэр сис хара тыалара
Дьэҥкэрэн-убаан,
Сэдэхсийэн баран,
Сиһик ойуур буолан,
Сиидэлэнэн уостан,
Этириэс эстибитин кэннэ,
Иитэ-саҕата биллибэт
Элэй-мэлэй
Эрбэдэһин дуоһун
Иччитэх киҥкир хара
11530 Килиэ-таас дойду
Анарааҥҥы тардыытыгар,
Туората-устата биллибэт
Дьулусханнаах дьулуо муус
Дойду буолла.
Уолан киһи
Уоһун хаанын
Супту оборор
Оботтоох дохсун буурҕалаах,
Кыстык тэтэркэй имнээх,
11540 Кыыс оҕо имин хаанын
Кубарыччы охсор
Кыскыйар кыыдааннаах,
Сытыы чысхааннаах эбит.
Кыһыл эттээҕи
Кырамта унуоҕар тиийэ
Кылбаччы кыһыйан кыладытар,
Уһаты уҥуохтааҕы
Уҥуоҕун куодаһыныттан
Кубарыччы куурдан
11550 Уйадытан охторор,
- 273