Page 281 - Неизвестное название

Иҥиэттэр сиксигэр,
Муҥурданар түгэҕэр,
Мултуйар уһугар
Буур тайах кыылым
Адаардаах муоһун
Булгурута охсон барар
Мууһунан уһуурар
11730 Модун силлиэлээх,
Тараҕай таба кыылым
Тартайар таныытын
Сиритэ охсо турар
Часкыйар саталаах,
Хабдьы кылым
Хараҕа дэлби тоҥор,
Хаппыт мае
Хабырыта барар
Хатан дьыбардаах,
11740 Хабараан салгыннаах,
Чуор мутук
Тоһута тоҥор
Дохсун тымныылаах,
Добун силлиэлээх,
Уу харахтаах өрө көрбөт,
Улаан ньуурдаах утары барбат
Үөл талах кымньыыны
Үөһээ бысаҕаһын
Быһыта охсо турар
11750 Модун буурҕалаах,
Боҕуйар тобуктаах
Сүһүөҕэр турбат,
Чакыыр муос туйахтаах
Таба тирэммэт
Аргыардаах-анысханнаах дойду
Аҥылҕаннаах айаҕа
Эҥсилгэннээх-мэгилгэннээх
Иһиирэ часкыйар эҥэрэ буолла.
Онно тиийэн
11760 Сатаҕа Бөҕө обургу
Ала моҕой ата баҕайы
Көнчөччү көһүйдэ,
Чолоччу тоҥно.
Аҕыс субурҕа
Атара баҕыыр атаҕа

- 278 -