Page 280 - Неизвестное название
P. 280
11680 Сиидэлэнэн-сиксиллэн,
Симэлийэн-уостан
Этириэс эстибитин кэннэ
Иитэ-саҕата биллибэт
Элэй-мэлэй
Эрбэдэһин дуоһун
Иччитэх киҥкир хара
Килэгир таас дойду
Анарааҥы тардыытыгар
Туората-устата биллибэт
11690 Дьулусхааннаах дьулуо муус
Дойду буолла.
Уолан киһи
Уоһун хаанын
Супту оборор
Оботтоох курааһы тыаллаах,
Кыстык-тэтэркэй имнээх
Кыыс оҕо имин хаанын
Кубарыччы охсор
Кыскыйар кыдааннаах,
11700 Үөл талах кымньыы
Үөһээ быһаҕаһын
Быһыта охсо турар
Сытыы чысханнаах,
Сыалаах бөҕө сымныыр,
Сындааһыннаах бөҕө сындалыйар,
Хоҥнуолаах бөҕө холлор
Курааһы тыаллаах,
Хобдох салгыннаах,
Уораннаах-уодаһыннаах,
11710 Одун дойду
Уораһыйар улаҕатын диэки
Уурдаран оҕустаран,
Уһуутатан киирэн бардылар.
Тумэн бараан дойду
Түҥкэтэх түбэтигэр,
Түҥкүнүүр түгэҕэр,
Түҥкэл-таҥхал
Түһэн истилэр.
Ол курдук кинилэр
11720 Часкыйар саталаах
Сай күдүө дойду
Иҥнэстэр тардыытыгар,
- 277 -
