Page 278 - Неизвестное название

Муоһун булгурута
Охсо турар
Буолунай буурҕалаах,
Тараҕай таба кыылым
Тартайар таныытын
Хайыта охсо турар
11600 Часкыйар саталаах,
Торҕон суор
Тумса турута
Тоҥон түһэр
Тумарыктаах буурҕалаах,
Дохсун тымныылаах,
Хабдьы кыылым
Хараҕа дэлбэритэ тоҥор,
Хатан мае
Хабырыта барар
11610 Хабараан дьыбардаах,
Хабыр салгыннаах,
Уу харахтаах
Кыайан көрбөт,
Улаан ньуурдаах
Утары хайыспат,
Үөл эттээх
Сүһүөҕэр турбат,
Чакыыр муос туйахтаах
Таба тэбиммэт,
11620 Алдьархайдаах анараа дайды
Аналҕаннаах айаҕа,
Мэҕилгэннээх бэлэһэ,
Курулҕаннаах куртаҕа,
Эҥсилгэннээх-мэҕилгэннээх
Эҥэрэ буолла.
Онно тиийэн
Анааран көрбөт гына
Айан киэнэ
Ахсымын айаннаатылар.
11630 Сиэн үрэхтэр,
Сис хайалар,
Сэгдэҥэ тыалар,
Нэлэмэн ойуурдар
Тараах иэнин курдук
Таҥнары сыыйыллан,
Дьарҕааланан истилэр.
- 275 -