Page 279 - Неизвестное название

Үҥкүр күөллэр
Үүн тиэрбэһин курдук
Өҥөрүһэн-чөҥөрүһэн,
11640 Түбэ тыалар,
Чүөмпэ күөллэр
Тордуйа аанын курдук
Чөҥөрүһэн-иҥэриһэн
Төгүрүһэн түһэн истилэр.
Аарыма күөллэр
Алтан чаҥ
Аанын курдук
Аҥалыһан-тэҥилиһэн,
Дьэс тыымпылар,
11650 Дьирбии долгун күөллэр
Тимир тэриэлкэ курдук
Ирим-дьирим
Элэҥнэһэн истилэр.
Өрүкүйэр сүүрүктээх
Уһуутуу устар
Уһун үрэхтэр
Өркөн өтүү курдук
Субуруһан суһумнастылар.
Халдьыгырыыр сүүрүктээх
11660 Хайдыы кэҥистээх
Халаан үрэхтэр
Хатыс быа курдук
Хайылл ан - бурулл ан
Хаалан истилэр.
Күкүр хайалар күлүҥнэһэн,
Эбириэн таастар элэҥнэһэн,
Турар турууктар чочоруһан,
Аарыма хайалар адаарыһан,
Быһыттар сыырдар барыҥнаһан,
11670 Барык-сүрүк
Барыгылдьыһан-күлүгүлдьүһэн
Баран истилэр.
Өр да айаннаабыттарын билбэтилэр,
Өтөр да айаннаабыттарын билбэтилэр,
Сириэдийэн үөскээбит
Сир ийэ барахсан
Сис хара тыалара
Дьэҥкэрэн убаан,
Сиһик ойуур буолан

- 276