Page 282 - Неизвестное название

Адаарыччы тоҥон,
Сытыы-кылаан тыҥыраҕа
Быта курдук бытарыйда,
Куйбуур хара кутуруга
11770 Кулуһун курдук кумаланна,
Чупчурҕаннаах дьааттаах
Тоҕус был ас
Соллоҥ хара тыла
Тоҕус сиринэн
Тоһута тоҥон түстэ.
Уостаах кута курдук
Өһүөннээх өһөх хараҕа
Уһулу тоҥон тахсан
Сиикэй сымыыт курдук
11780 Тэһитэ тоҥон,
Сыккырыы таммалаата,
Ханна да хамсаабат гына
Хам тоҥон хаалла.
Сатаҕа Бөҕө
Часкыйа-часкыйа сатарыйда,
Хабарҕата хайдарынан
Хантайа-хантайа хаһыытаата,
Үөһэ быстарынан
Өндөйө-өндөйө үөгүлээтэ:
11790 — Буойака, буойака!
Аар-дьаалы оҕолоор!
Арт-татай ини!
Бу хайа ыстаммыт
Аггардам абааһы
Ааһар бөҕө албастааҕа,
Адьарай бөҕө кубулҕаттааҕа
Аартыга даҕаны атын эбит,
Суола даҕаны туспа буолла,
Сирэ да чиэски эбит.
11800 Аат киһитин эккирэтэн,
Атах тардыстар
Аллаах айаннаах
Аппыттан матан,
Табыталбын быстаран,
Саргы сатыы хаалар
Аанай-туонай
Абаккабын-сүктүкэбин
Көрөҕүөт-көрбөккүөт!
- 279 -