Page 284 - Неизвестное название

Тала сатаабат,
Чугуйан турбат
Дьон буоллулар.
Аттара даҕаны
Ахсаабат айаннаах,
Аллаах атахтаах,
Ахсым соҕус аттар эбит,
Сылайбат сындааһыннаах
11860 Сыыдам сырыылаах
Сылгылар эбит.
Дугуммут туйахтара халтарыйбат,
Чучураан соҕус соноҕостор эбит.
Тоҥтон толлубакка,
Ириэнэхтэн иҥнибэккэ,
Сататтан чаҕыйбакка,
Буурҕаттан бугуйбакка,
Тэһииннэриттэн тэбиэһирэн,
Көнтөстөрүттэн күүһүрэн,
11870 Уостуганнарыттан уоҕуран,
Ордук сатайан,
Омуннаахтык-төлөннөөхтүк
Уурдаран-оҕустаран,
Уһуутаһа турдулар.
Маннык үлүгэрдээх
Күнэ көстүбэт,
Күдэрик буурҕалаах,
Ыйа ыйдаҥарбыт
Ыыс-быдаан тыыннаах,
11880 Күдэриктээх силлиэлээх
Күдэн дойду
Күлүк өртүгэр,
Аргыардаах анысханнаах
Анарааҥҥы тардыытыгар
Кыырай маҕан халлаан
Кыладыйар кырсыттан
Кылыс батыйа курдук
Кырбаһа турар
Кылааннаах төбөлөөх
11890 Одун маҕан халлаана
Уораҕайынан охсуһа турар
Атахтаах батыйа
Уһугун курдук
Обуннаах уһуктаах,
- 281 -