Page 32 - Неизвестное название
P. 32
Ол алын кырыытыттан
Тыстаах баттахтаах
Сырылҕан эһэ тириитин
Тиэрэ тарпыт курдук
1020 Далан араҥас былыттар
Өрүтэ адаарыһан таҕыстылар.
Ол алын кырыытыттан
Улаҕата биллибэт
Ыастаах най хара былыт
Саба халыйан
Тахсан тиийэн кэллэ.
Муустаах буурҕа
Буһугураччы тыынна,
Хаардаах холорук
1030 Хаһыыран тустэ,
Буордаах силлиэ
Бурҕачыйан кэллэ.
Сыһыыга сылдьар
Сыспай сиэллээх
Сылгы сүөһүлэрэ
Сиргэнэн-тыбыыран,
Си с хара тыаҕа
Сырсан тиҥинэһэн,
Кый бырах
1040 Кыйдана турбуттар,
Хонууга сылдьар
Хороҕор муостаахтара,
Атырдьах туйахтаахтара,
Ынах сүөһүлэрэ
Үргэн-өрөкүһэн,
Үрдүк хара тыаҕа
Өрө сүүрэн,
Өрөкүһэн тахсан,
Үрүйэ симилэх устун
1050 Бытанан ыһыллан
Бырах барбыттар.
Кулуну хомурах көмнө,
Ньирэйи тибии типтэ,
Бокоойу киһи*
Буурҕаҕа мунна,
Сэтимньи киһи
Тибиигэ баттатта,
Куһаҕан сүөһү
- 29 -
