Page 31 - Неизвестное название

Атын түөрт туйаҕын тыаһа
Түөрт сүүллээх этиҥ
Угут дьылга
Халлаан улаҕатын
Дьөле этэрин курдук
Н ьиргийэн - ньириһи йэн,
Түһэн бара турда.
980 Алаатыыр Ала Туйгун
Барбытын кэннэ
Аҕыйах хонон баран,
Килбиэн маҥан күннэрэ
Киэһэрэн-дьааһыгыран
Күн Тэгиэримэ эбэ хотун
Кэтэх кэрдиис тыатыгар
Киирэрэ чугаһаан эрдэҕинэ,
Курааһы тыал куһуурда,
Хобдох салгын уһуурда,
990 Сытыы чысхаан чыскыйда.
Хотугу кубарсыйар
Курааһы маҥан халлаан,
Кубарыйар улаҕатын диэкиттэн,
Кыаһааннаах-былаайахтаах,
Кыыран эрэр ойуун курдук
Кыыһар эмэгэт былыттар
Кыынньан таҕыстылар,
Ол алын еттүттэн
Этитигэс сэлээр мэнэриктэр
1000 Илгистэ-холгуста
Олороллорун курдук
Иирэр эмэгэт былыттар
Элээриһэ көтөн таҕыстылар.
Ол алын өттүттэн
Тууһут оҕонньоттор
Туос тымтакаларын
Туора сүкпүттэрин курдук
Добун күдэн былыттар
Тунуйан таҕыстылар.
1010 Ол алын өртүттэн
Сиэллээх-кутуруктаах
Сиэр сылгы тириитин
Тэниччи тарпыт курдук
Тэнийэр дьэссээт хара былыттар
Диэлийэн таҕыстылар.

- 28 -