Page 52 - Неизвестное название

Сылгы оҕото эбит.
Сындыыс курдук сыыйылынна,
Оноҕос курдук уһуурда,
Кынаттаах курдук кыһыырда,
1880 Куорсуннаах курдук куһуурда,
Күн Тэгиэримэ эбэ хотун
Килэрийэр кииниттэн,
Кэтит тдһаатыттан
Кырдалынан кыһыырда,
Томторунан субуруйда,
Толоонун туораата,
Ачатын ааста,
Булунун мунурдаата,
Үрэдин сыыйда,
1890 Үрүйэтин өксөйдө,
Сиһигэр тиийдэ
Үрдүк хара тыатыгар
Өрө сүүрдэн
Өрөкүтэн таҕыста.
Солоҥдо тураҕас
Ата барахсан
Туйаҕа төгүрүйдэ,
Тобуга күөрэйдэ,
Кутуруга субуруйда,
1900 Кулгааҕа чөрөйдө,
Таныыта тартайда,
Самыыта ласпайда,
Сиэлэ сигидийдэ,
Көҕүлэ күүрдэ,
Куҥа куттайда,
Курбуһаҕа куодайда,
Сэриэкэтэ тэппэйдэ,
Сиһэ дыгдайда,
Этэ тыылынна,
1910 Иҥиирэ күүрдэ,
Ириэнэх сири
Ирбэт булууһугар тиийэ
Ибили тэптэ,
Томтор сири
Тоҥ булууһугар тиийэ
Тобулу тэптэ.
Хардаҥ хара тыа
Хаппыт-куурбут

-49-