Page 71 - Неизвестное название

Онон эбит буолладына
Суол ыйдараары,
Дьоһун сураххын сураан кэллим.
Ол ханна барадын диэтэххинэ,
Аллараа дойду адьырдата
Тимир Сигиди бухатыыр
Умсулданнаах ньуурдаах
2700 Одо Ньургустай ди эн
Балыстаахпын былдьаан,
Талаан барбыта.
Ол түркүннээх түөкүн,
Омуннаах уоруйах,
Иэримэйдээх дьэллик
Хайа аартыгы харбаабытын,
Туох суолу туппутун
Чопчу кырдьык
Ыйан кэрдэн кулу диэн,
2710 Сүһүөхтээх бэйэм сүгүрүйэн,
Тоноҕостоох бэйэм нуоҕайан,
Хаалдьыктаах бэйэм
Хаҥкыйан туран,
Көрдөһөр бөҕө күттүөннээх,
Ааттаһар бөдө ахсааннаах,
Үтүө тылы өллөйдөө,
Хаарыан тылбын хардалаа эрэ.
Өрөөбүт уоскун өһүл,
Хоммут уоскун хоҥнор,
2720 Хотоҕойдоох кыылым
Куорсуннаах тойоно,
Буойака! — диэтэ.
Инньэ диирин кытта
Өксөкү кыыл
Чараҥ тыа саҕа
Дабыдалын даллатта,
Куруҥ ойуур курдук
Куорсунун саратта,
Күөх ойуур курдук
2730 Көхсүн түүтүн күүртэ,
Арыы тиит курдук
Арҕаһын түүтүн адаарытта,
Өрүөстээх төбөтүн өндөттө,
Уоттаах чонук харадынан
Тууспаннаахтык турулус-ирилис көрдө,

- 68 -