Page 375 - Сергей Васильев. Хоһооннор, поэмалар
P. 375
Кууһан көтөҕөн киллэрдэ, —
Уоттаах чоҕу сирилэччи тардан
Оһоҕун эбии оттон тигинэттэ.
Үс хонук иһигэр
Өлөксөйү тэрийэн
Оскуолаҕа киллэрии,
Ону сүбэлэһии.
Ийэлэрэ эрдэ туран
Саҥа чоочой этэрбэһи,
Саадьаҕай ньирэй кэтинчэни,
Абырахтаах эргэ күүлгэ
Ынах быатынан кэлгийдэ,
Кулун тириитэ тэллэххэ
Куобах суорҕаны эрийдэ,
Туос оҕоойукка арыыны
Томточчу таптайда,
Кыра дьааһыкка лэппиэскэни
Кырыытынан дьаптайда.
Үмүөрүһэн, тула туран,
Өлоксөйү таҥыннардылар,
Үтүлүгүн, бэргэһэтин булан,
Үчүгэйдик кэтэртилэр.
Аҕалара кунаны аҕалан
Сыарҕаҕа көлүйдэ,
«Улахан» суолга киллэрэн,
Ойоҕолоон кэбистэ.
Сыарҕа сыылан кирдиэхтээтэ,
Сыыһы-буору кириэхтээтэ...
Бүтэй-күрүө хаалла,
Бөлех ыарҕа ааста...
Уол эргиллэн,
Убайдарын көрдө,
Унаар буруо күөрэйэн,
Уһуннук көттө.
Кыра балаҕанын түннүгэ
Кылахачыйа хаалла,
Ийэтин маҥан ырбаахыта
Элэҥнээн көстүбэт буолла...
Халдьаайы суоллар ханыылаһаннар,
Куула суоллар холбоһоннор,
Уһун айан суола
2^ С«ргвй Васильев 369
