Page 370 - Сергей Васильев. Хоһооннор, поэмалар

Тыҥырах тыытыла оҥоһуннаҕа!
Хара баттахтааҕы булан,
Харах аалыыта гыннаҕа.
Ооҕуйтан, күөх истэн баран,
Оҕону былдьаан ылыахха...»
Өлөксөй убайдара сыҕарыстылар,
Үөрбүт харахтар чаҕылыстылар...
Аҕалара оҕонньор,
Аһыы олороя,
Аргыый аҕай:
«Кыанар буолан баран,
Кырдьык үөрэттэрбит киһи...» —
Эмээхсинин диэки
Эйэлээхтик көрдө,
Бүлүүһэлээх чэйи
Бүрүлэччи үрдэ.
Өлөксейү аҕала
Үһүө бардылар,
Хаптаһын халваны
Хап гына саптылар...
*
* *
Ортотугар хамыстаах күөллээх
Улахан төгүрүк алаас.
Сарайдаах, кэрэ«иистээх
Саҥа дьиэ, ампаар...
Сыһыыга толеру сылгы, ынах.
Сарай анныгар — сыарҕа, адарай, ылах..
Сүедэр атыыһыт тиэргэнэ,
Сүөһүлээх киэҥ титиигэ.
Хара ынахтар ханаҥнаһаллар,
Үөрбэ муостаахтар үмүөрүһэллэр...
Туос ыаҕастары
Тоҥолохтоммут дьахталлар
Саадьаҕай ынахтары
Самыыга сырбаталлар.
Бацана аайы
Бааллыбыт ньирэйдэр
Дьөгдьөһөн бары
Дьүккүһэн эрэллэр.
Өруөстээх томуйах
Өрө бөтөрөҥнөөтө,
361