Page 371 - Сергей Васильев. Хоһооннор, поэмалар

Өлөксөй эрэйдээх
Өсөһөн лэглэрэҥнээтэ.

Кыһыаччытын быһа тэптэрэн,
Кылана түстэ,
Хараҕа дьирим иирэн,
Хараарыс гынна.
Ыг-аах турааччылар
Ыстырыыстаан бардылар,
Чугас сылдьааччылар
Чугуруччу асгылар.
«Ыыта оҕус!» — диэн ыһыытаатылар,
«Хэтуҥҥар этиэхпит!» — диэн куттаатылар.

Кыламана саҥа кууран эрдэҕинэ,
Кыра түннүгүнэн уол көрдеҕүнэ:
Сиидэрэп, быһыыта, кэллэ,
Сиэрэй сонноох, дьиэҕэ киирдэ,
Уовна Улаатынар Охоноон,
Кини ийэтэ нолуҥнаан...
Үрдүк ампаар дьиэ
Үрүҥ ааныттан
Хотуна Чалыыма тахсан,
Чарапчыланан көрдө:
«Ханнаный Өлөксөй?» — диэн
Хаһыытаан, ыҥыра турда.

Уол этэ «дьыр» гынна,
Оройо бүрүтэ тарта.
«Таллан саадьарайы кыайан этэрбэккэ,
Таһыллыах сорум кэллэҕэ дуу?» — диэн,
«Отзону сатаан саатаппакка,
Охсуллуох муҥум буоллаҕа дуу?» — диэн
Куттакан, буору-сыыһы кымаахтаата,
Хороонтон кутуйах быгыахтаата.

Кырбаныыттан булгу куоттарар,
Кынаттаах санаа
Кыайан киирбэтэ;
Дьпнугар. дьиэтигэр күрэтэр
Дьорҕоот өй-санаа
Дьулуура кууспата.
365