Page 373 - Сергей Васильев. Хоһооннор, поэмалар
P. 373
Үксү үрүдүйэн
Өкчөгөр көҕүстэммитим.
Хойуугутугар бөппөккө
Кулугур кулгаахтаммытым,
Чалбааккытыгар чачайбакка
Чаччыстыбыт иэдэстэммитим...
Тиэргэҥҥит иһиттэн
Тирбэҕэ курдаах тэйбитим,
Хотоҥҥут муннугуттан
Кулун бэргэһэлээх куоппутум.
Уһуннук ууммуккутун ууратыҥ,
Аһара диэлийбиккитин аччатыҥ!
Оҕбну дьонугар төннөрүҥ,
Окуургут туймуутун сүөрүҥ!..» —
Улаатынар Охоноон ыҕарыйан,
Уордайа-уордайа саҥарда,
Кэчнинэн тиэрэ чынарыйан,
Киэптээн, суоһаан олордо...
Сэбиэт аргыый ыйыталаата,
Сэмээр тыл кыбытан ытаһалаата...
Атыыһыт ойоҕо, дьоҕуран,
Аймана-кэпсэтэ олорон,
Айахха астарбыт курдук
Ах барда,
Хенноххо астарбыт курдук
Курус гынна...
Сүөдзр атыыһыт, сонньуйбута буолан,
Сөрүөһүннэ уҥа уоһа.
Кэтэһэн, тылы талан,
Килэҥнээтэ илин тииһэ:
«. Оҕону үөрэттэрэри
Утарсыбаппыт биһиги,
Туспатык кэпсэтэри
Тоҕо этэҕит эһиги!
Оскуола аһылларыгар
Уруккуттан баҕалаахпын,
Былаас дьаһалыгар
Былыргыттан көмөлөһөр санаалаахпын»,
Т збис-тэҥҥэ көҕүлээтэ,
Тиэтэйэн уолу көҥүллээтэ...
367
