Page 372 - Сергей Васильев. Хоһооннор, поэмалар
P. 372
Атыыһыт дьиэтин иһигэр
Агын кэпсэтиилэр буоллулар,
Ыскаатардаах остуол кэннигэр
Ыалдьыттар киирэн туоллулар.
Уолун мантан ыларын,
Оскуолаҕа үөрэттэрэ ыытарын
Сыкана эмээхсин наҕыллык
Сыыйан, Чалыымаҕа кэпсээтэ.
Дьиэлээх тойон хаҥыллык
Дьигис гынан сэргиэтэ.
«Үөрэххэ барартан куттанан,
Өлексөй саста быһыылаах,
Киирэн, үтүөҕэ сыстыһан,
К и !1И буолуо этэ эрэйдээх», —
Чалыыма аһыммыта буолан,
Чаабыргыы сатыы олордо.
Чэйи настаабы гынан,
Чаанньыгын таһынан толордо...
Тыһы кылыы курдук
Тыҥаабыт санаа
Тыытылла оҕуста,
Түһэн, сөҥө сылдьыбыт
Түмүк уордайыы
Төле барда.
«... Элбэҕи эгэлгэлээмэҥ,
Үксү курдьаҕалаамаҥ!
Ити биир инчэҕэй тирбэҕэни,
Эриэн ыт курдук,
Ирдээн тиийэҥҥит,
Эҕирийээри санаммыккыт;
Бу, биир ыал чыычааҕын,
Булчут ыт курдук,
Булан тиийэҥҥнт,
Боҕутаары гыммыккыт...
Ыалласпыт ыалгытын сааскыт тухары
Ыырын кыараппыккыт,
Булбут ыалгытын
Буруотун саппыккыт,
Эдэр сааһым устатыгар
Эһиэхэ үлэлээн,
Этирик түөстэммитим,
366
