Page 374 - Сергей Васильев. Хоһооннор, поэмалар

Илин ойуур суолунан
Инэтэ бастаан барда.
Сиэлэ-сиэлэ, Өлөксөй,
Спэттэрэн, лэглэрийэн истэ.
Эмиэ сүүрүүнэн куотан тиийэн
Икки чөҥөчөххө күүттэ,
Эмиэ отоннуу хаалан баран
Эккирэтэн нэһиилэ ситтэ.
Имигэс атах ибир ойдо,
Илин-кэлин түһэ турда.
Ол иһэн Өлөксөй,
Уһун суолу быспакка,
Үөоэ-көтө чуопчааран,
Үрүт үөһэ ыйытта:
Балта хайдах оонньообутун,
Баһырҕас тугу бултаабытын,
Чаачар саатын ним ылбытын,
Чаахааныгар туох өлбүтүн...

Дьнэлэрэ чугаһаата,
«Дьэдьиэннээх» дүөдэ ааста.
Өлөксөй куота сүүрдэ,
Өтөх элэҥнээн көһүннэ.
Баһырҕас саҥата үрдэ,
Баргыйан утары сүүрдэ,
Үөрэн эккэлээн кэллэ,
Үрдүгэр саба түстэ.
Уол ытынаан куустуста,
Окко охторсон мускуста.
Уэл көрдөҕүнэ дьиэтэ
Уларыйбыт курдук,
Улаханнык «сырдаабыт» кэриэтэ
Уҥа муннук,
Балта кыыс «улааппыт»,
БаҺырҕас түүтэ лаахтаммыт.
Дьиэт.ч элбэх малламмыт,
Дьиибэ туох эрэ сыттаммыт...
Аҕата саҥата суох мичээрдээтэ,
Аргыый аан диэки тэлбиҥнээтэ.
Кураанах чөҥвчөктөрү таһыттан
368