Page 45 - Сергей Васильев. Хоһооннор, поэмалар
P. 45
А С П А А Л У О Р Ҕ А Т Ы Н К И Л Э Т И Э Х
(Петр Иванович Ларионовка)
Сыҥ ойуур тайҕаны мээрэйдээн,
Сул маҥан дьуолканы аспыппыт,
Тэбис-тэҥ дьааманы кээмэйдээн,
Киэҥ Бэстээх буор суолун тэлбиппит.
Сүүһүнэн норуоту күүс тардан,
Тоҕута олуктаан барбыппыт,
Томточчу симиилээх буор кутан,
Көнөтүк ыллыктыы тыырбыппыт.
Киэҥ Бэстээх суолун бүтэрэн
Бу бүгүн массыына ыыттыбыт,
Кыайыылаах бар-дьону күн үөрдэн,
Көмүстээх суругу ыллыбыт.
Таптыыбын Бүөтүрү эйигин,
Дьиҥ күүстээх бассабыык буолбуккун,
Үлэҕэ эрэллээх илиигин
«Бу бэлэм баарбын», — диэн ууммуккун.
Дьэ, эмиэ биһиги тахсаммыт
Куруутун бу суолу КЭҤЭТИЭХ,
Ууллубут күөх тааһы кутаммыт
Аспааллаан уорҕатын килэтиэх.
Ол саҥа дьиэк кэлэр ааппытын
Кэскиллээх киэҥ ыччат сураһыа!
Күүрээннээх бу үүнэр сааспытын
Сир ньуура киэркэйэн туоһулуо!
1934 С.
