Page 44 - Сергей Васильев. Хоһооннор, поэмалар

Этэҥҥэ
Эргийээр!»—
Уйбаанчык оҕото
Итинник
Кэпсэтэн
Атаарда.
Түөһүгэр хаалтыһа
Кытара,
Тэтэрэ
Хамсаата...
* * *
Аҕа, уол араастык
Көөртөрө:
Туруйа
Кыылбытын,
Күөх солко нуоҕайдаах
Көй сайын
Күөгэйэн
Ааспытын;
Тоҥ кыһын чугаһаан,
Кырыа хаар
Кыыдааннаах
Тымныытын;
Кими баай кыпчыйан
Моонньуттан
Умсары
Мииммитин;
Ким, бүгүн ол онтон
Арахсан
Көҥүлү
Билбитин.—
Советскай былаастан
Сүрэҕэр
Күн күлэн
Киирбитин.
Кэм, олох, дьон-норуот
Саныыра,
Көрөрө
Дьиктитин...