Page 139 - Сергей Васильев-Борогонскай. Поэт уонна гражданин

7. Түмүгэ: Ньургун Боотур Кыыс Ньургуну ойох ылар,
айыы дьоно ыһыах ыһаллар.
С.Васильев бэчээттэммит олоҥхолорун сылларынан наар-
даан, биир-биир тохтуоҕуҥ.
Аан бастаан 1955 с. «Эрчимэн Бэргэн» олоҥхото бэчээт­
тэммит. Улахан саастаах оҕолорго анаммыт. 1660 строкалаах,
мантан 37 строка биирдии тылынан таҥыллыбыт. Холобур,
онуоха, бу, сотору, онно, мин о.д.а. солбуйар ааттар эбэтэр
ситим тыллар туттуллубуттар.
Олоҥхо ааптар киирии тылынан саҕаланар. Оонньуу сыл-
дьар оҕолор оҕонньору олонхолоо диэн көрдөһөллөр. Суру-
йааччы олоҥхоһут хайдах туттан-хаптан олорорун ойуулуур.
Орто дойду туһунан кэпсиир. Эриэн Тойон оҕонньор уонна
Эбириэлдьин Хотун эмээхсин кырдьар саастарыгар уол оҕо
төрүүр. Ол оҕо Аал Кудук мае араҥас илгэтин аһаан улаатар.
Кинини Күкүрүүр Бөҕө илдьэ баран уһуйар. Үрүҥ Аар тойон
уол оҕоҕо Икки күлүктээх Эмньик кулун аттаах Эрчимэн
Бэргэн диэн ааты иҥэрэр, улуу бухатыыр оҥорор. Чуҥкунуур
Чуура бухатыыр кигиитигэр кииринэн, Эрчимэн Бэргэн уон­
на Араат Мохсоҕол, икки айыы бухатыырдара, бэйэ-бэйэлэ-
рин кытары охсуһаллар. Сорук Боллур да, ойуун-удаҕан да
суохтар. «Үрдэ биллибэт үлүгэр буолбутун» Симэхсин эмээх­
син биллэрэр. Чуҥкунуур Чуура бухатыыр өксөкү кыылга
кубулуйар. Олоҥхо Эрчимэн Бэргэн кыайан-хотон бар дьо-
нун иннигэр андаҕар этэринэн түмүктэнэр.

Аан дойдубар
Ачдьархай ааннаабатын диэн,
Кунүм сиригэр
Кулүк түспэтин диэн,
Сыралҕаннаах кылыспын
Сытыылыы туруом!..
Эппиппин энчирэтиэм суоҕа!
Андаҕарбын аралдьытыам суоҕа!

«Эрчимэн Бэргэн» олоҥхо тутула

1. Ааптар киириитэ. Оҕолор оҕонньортон көрдөһөллөр.
Олоҥхоһут туттан-хаптан олоруута.
2. Киириитэ: Сири-дойдуну ойуулааһын. Эрчимэн Бэр­
гэн төрдүн-ууһун, дьүһүнүн, сэбин-сэбиргэлин ойуулааһын.

137