Page 119 - Сергей Васильев. Өлбөт өрөгөй

Таһаардылар манна эһигини
Талааннаах нарын илиилэр,
Үүннэрдилэр, дьэрэлиттилэр эһигини
Үрдүк үтүө үөрүүлэр.
Махтаныҥ, саҥа сибэккилэр,
Манна, хоту үүммүт үөрүүгүтүгэр!
Кавказ да сыралыгар, Дьааҥы да дьыбарыгар
Хагдарыйбат уһун үйэҕитигэр!
Махтаныҥ:—
Чысхааҥҥа тымныйбат
тыыннаммыккытыгар,
Курааҥҥа кубарыйбат
хоруоҥкаламмыккытыгар,
Күһүҥҥэ күрэҥсийбэт
көрүҥнэммиккитигэр,
Силлиэҕэ сиксиллибэт
сэбирдэхтэммиккитигэр!
1954 е.
МГУ

МГУ дьиэтин үрдүгэр ытыннахпына,—
Мырааннар, хайалар намтыыллар;
Киэҥ саалатын иһигэр киирдэхпинэ,
Килбиэннээх санаалар элбииллэр...
Киирбит ааммыттан тэйэн
Тахсар ааммар тиийиэм икки ардыгар:—
Кэрэ-сырдык өйдөр
Кэмэ суох киирдилэр;
Сүрдээх үөрүүлэр, махталлар
Сүрэхпэр-быарбар сөҥнүлэр...
Махтанабын улуу уустарга,
Мрамор таас бастыҥынан,
Уһуйбат гранит чулуутунан
105