Page 118 - Сергей Васильев. Өлбөт өрөгөй

Улуу Ленам кытылыгар
Уоттаах сойурууну санатар...
Бу магнолиялар, розалар,
Бу тюльпаннар араастар
Крым, Кавказ биэрэктэригэр
Кылбачыһа тураллар,
Оҥоһуулаах газоннарыгар
Оһуор, симэх буолаллар.
Ол кэрэ сибэккилэр,—
Уоттаах розалар, тюльпаннар
Киэҥ Ленам кытылыгар
Кирээдэлээн үүннүлэр,
Ача-солко быыһыгар
Аралыһан кэллилэр.
Сырдык түүн чуумпунан нуктатан,
Сылаастык сынньатан утуттун;
Сарсыарда саһарҕа кэтэһэн,
Саҥа күн уруйдаан туруордун!

Толоонум туманын сиигэ
Туналыйар ньуургутун сууйдун;
Сахам сирин саймаархай күнэ
Саргылаах сардаҥанан куустун!
Иитиллибит Ийэ дойдум
Эҕэрдэлээх дьикти симэҕэ
Эһигинэн эбилиннин!
Уруйдаах уһун сааһым
Умуллубат сырдык үөрүүтэ
Уһуорунан сэлэлэннин!
Эһигини хоту кыраайга
Элиэ кытаахтаан аҕалбатаҕа,
Эбэтэр ханнык эрэ түбэлтэҕэ
Имэҥнээх тыал бырахпатаҕа.
104