Page 170 - Сергей Васильев. Өлбөт өрөгөй

Араас-араас дойдуттан
Аттаах, сатыы айгыстан,
Бука бары кэлэннэр
Бурдук тартаран ылбыттар.
Үрүҥ күммүт киириитэ,
Үлэ чааһа бүтүүтэ,
Барабыыкпыт барахсан
Барыар хара турбата
Үөлэс аһан үөгүлээбит,
Үөһэ үрэн күрүлээбит.
Кини дьаалы хаһыыта
Киэһэ хатан дьыбарга
Дуораан буолан тунуйбут,
Дойду баһын доргуппут.
Тэҥҥэ тутуллан дьэндэйбит,
Тэгил-тэҥнээх дьиэлэрбит
Дэлэйэн, элбээн барбыттар,
Дэриэбинэ бэрдэ буолбуттар.
Көрөр күнүм түһүгэ,
Күндү таастаах түннүгэ
Күнүм уотун көрсүбүт,
Күлүм-дьирим мвхсүбүт.
Аныгы олох айхала —
Арамаан совет артыала,
Даарда сыарҕа оҥорон,
Таһаҕас ууран толорон,
Тыаһаан-ууһаан дьүккүйбүт,
Трактор «аты» көлүйбүт.
Трактор көлө обургу
Таһаҕас ыарын соһоору,
Уҥа бүөрүн аннынан
Унаар буруонан уһуурбут,
Кэтит айан суолунан
Кини дьаалы дьулуйбут.
156