Page 197 - Сергей Васильев. Өлбөт өрөгөй
P. 197
Ууну аннынан устаммыт,
Уһуутуур минанан ытаммыт,
Урусхал-сэмнэх оҥорон
Умсара туруохпут!— диэн,
Аан дархан андаҕары
Андаҕайдахпыт буоллун!
Күөх толооммутун
Күрүөлүөхпүт,— диэн,
Оҕолуур оҕобутун
Уйалыахпыт!— диэн,
Кут-сүр биһигэ сирбитин
Куйахтыахпыт!— диэн,
Аан дархан андаҕары
Андаҕайдахпыт буоллун!
Армияттан биһиги
Атыммыт суох,— диэн,
Кырдьыкпыт туһугар
Кыргыһыахпыт,— диэн,
Кырдьык тимирбэт —
Кыайыахпыт!— диэн,
Аан дархан андаҕары
Анда5айдахпыт буоллун!
Торҕон бөрөттөн
Толлон турдахпытына,
Тутах туттан
Чугус гыннахпытына,
Үүнэр ыччаттарбыт
Үөҕүү гыннынар!— диэн,
Аан дархан андаҕары
Андаҕайдахпыт, буоллун!
1941 с., бэс ыйа
183
