Page 69 - Иван Мигалкин Аныыбын иһирэх иэйиибин

£,-£>А ч51 .9 £Л В З .\

МИЧИЛИЙЭР КҮҤҤЭ

Мичилийэр күҥҥэ
күнүүлүүбүн эйигин -
Кини сардаҥалара эйигин
сылаастык кууһаллар...
Былыттар көҥүл айаннарыгар
күнүүлүүбүн эйигин -
Кини ибир таммахтара
эн уоскун уурууллар...
Күөҕүнэн тыынар үрүҥ хатыҥнарга
күнүүлүүбүн эйигин -
Мичээриҥ алыбын
кинилэр ылаллар...
Лыҥкынас хомуска
күнүүлүүбүн эйигин -
Сахалыы мелодиянан
эйигин долгуталлар...
Сарсыардааҥҥы Мүрү алааска
күнүүлүүбүн эйигин -
Кистэлиҥ ырааһын
кинилэр билэллэр...
Таптал туһунан хоһооннорбор
күнүүлүүбүн эйигин -
Мин сүрэхпинээҕэр кинилэр
эйиэхэҕэ истиҥнэр...

1978 сыл. Брянскай к.

67
5'