Page 115 - Иван Мигалкин Күн таммаҕын ыһыспыт дьылҕалар

уола, Москваҕа аан бастаан кэлээт, метрону киһи олоҕор
сыһыаннаан суруйбутуҥ үчүгэй”, — диэн.
Софрон Петрович хоһооннорун ааҕан бүттэҕин ахсын:
“Хоһоон туһунан ааҕар буоллахха, ситигирдик”, — диэн
түмүктээн иһэр. Кини хоһооннорун ис сүрэхпиттэн сөбүлээ-
тим, ордук икки хоһоонун. Олор ис хоһоонноро маннык-
тар: “Кини өлбүтүн кэннэ уҥуоҕар сүүһүнэн сибэккини
уурдулар, сүүһүнэн хайҕабыл тылларын эттилэр, тыл
күүһэ уйбатынан... Онтон дьонноор, кини тыыннааҕар, ити
уурбут сүүһүнэн сибэккигититтэн муҥ сатаатар биирдэс-
тэрин киниэхэҕэ биэрбиккит буоллар даа, ити хайҕаабыт
сүүһүнэн тылгытыттан сатаатар биир сылаас, иһирэх тылы
эппиккит буоллар даа, кини бүгүн эһигини кытта бииргэ
тэҥинэн үөрсэ олоруо этэ...”
Бу олус нүһэр, философскай хоһоон миигин улаханнык
долгутта. Бу хоһоон олоҕу өр сыл кэтээн көрүүттэн сурул-
лубут буолуохтаах.
Аны иккис сөбүлээбит хоһоонум: “Мин өлүөм, мин аатым
умнуллуо дуо? Өскө мин, эһиги күннээҕи олоххутун туой-
бут буоллахпына, кэлэр кэнэҕэс ыччат мин ситэ туойба-
тахпын ситэрэн туойуо дуо?”
... Софрон Данилов кэлин кэмҥэ хоһооннору суруйбата
буолуо дии саныырым, онтум бэйэтин уонча хоһоонун
хайдах эрэ бытааннык, олуттаҕас соҕустук, ол эрэн киһи
дууһатыгар киирэр гына ааҕыталаабыта. Софрон Данилов
хоһоонноругар “суох” диэн тылы “һуох” диирэ, күүһүрдүү
уонна ыйытыы бэлиэлэрин, икки туочуканы уонна туочу-
калаах запятойу табан туруорара, хоһоон тутулун сирэй
саҥа оҥороро — хайдах эрэ туспа тональностаах, итиэннэ
ураты музыкальнайдык тахсаллар. Маннык дириҥ санаа-
лаах, ырааҕы өтө көрөр киэҥ философиялаах хоһооннор
олоҕу, дьону-сэргэни үчүгэйдик билэртэн, өйдүүртэн уон-
на Софрон Данилов төрөөбүт сахатын норуотугар истиҥ,
ыраас, муҥура суох бэриниилээх тапталыттан сурулун-
нахтара...
Софрон Данилов 1976 сыллаахха “Хоһооннор” диэн ки-
нигэтэ тахсан, поэзияны таптааччылар киэҥ сэҥээриилэ-
рин ылбыта. Миэхэ ити кинигэтигэр киллэриллибит хоһоон-
норуттан аахпыт эбит этэ. Норуокка киэҥник биһирэппит
романнары, сэһэннэри уонна кэпсээннэри суруйбут прозаик
хоһоон кинигэтин таһааттарыыта — кини айар үлэтигэр
биир кэрэ-бэлиэ чыпчаал буолар.
Софрон Петрович бараары турдахпына, саҥа “Листвен-
ница” диэн кэпсээннэрин уонна сэһэнин кинигэтин “Уй-
бааҥҥа, — саха литературатын үчүгэй үлэһитэ буолуоҥ
диэн эрэли кытта, — Софрон Данилов. Переделкино. 5.1.75.”
е®’. 111 «=5