Page 117 - Иван Мигалкин Күн таммаҕын ыһыспыт дьылҕалар

Н.Г.Чернышевскай “Тугу оҥоруохха?” диэн романын
уонна Лопе де Вега “Фуэнте Овехуна” диэн драматын
Софрон Данилов сахалыы саҥардан, ааҕааччыларыгар
үйэлээх бэлэҕи оҥорбута.
Софрон Петрович Данилов үлэһит киһиэхэ сүгүрүйэрэ
уонна биирдэ бэриллэр олоҕу олус истинник, ыраастык
таптыыра. Дьэ, ол иһин, олох биэрбит хас күнүн барытын
умсулҕаннаах үлэҕэ анаабыта. Кини айбыт Аласова киһи-
ни тардар күүстээҕин билэр да буоламмыт биһиги, ааҕаач-
чылар, Софрон Данилов Аласовыгар сүгүрүйэбит.
Биһиги республикабыт Софрон Петрович Данилов кур-
дук бөдөҥ суруйааччыны, биллиилээх общественнай дея-
тели сүтэрбит ыарахан күннэригэр мин кини төрөөбүт
Горнай улууһугар баарым. Ити кутурҕан күннэргэ Софрон
Петрович туһунан элбэхтэ эргитэ санаабытым. Кини “Өлбөт
үйэ” хоһооно урукку кэмнэрдээҕэр өссө күүскэ сүрэхпин
долгуппута, хоһоон хас биирдии строкатыгар Софрон
Петровичтыын кэпсэппит, сэһэргэһэн ылбыт дьоллоох түгэн-
нэрим аны хаһан да эргийбэтин санатан олус да ыарыы-
лаахтык, санаарҕабыллаахтык дууһабар аһыллан кэлбит-
тэрэ:
Мин өлүөм...
Мин төннүөм
Айбыт айылҕам киэҥигэр,
Ийэ буорум иһигэр...

... Мин
Сири кытта сир буолан
Сиик курдук симэлийиэҕим,
Буору кытта буор буолан
Букатын мэлийиэҕим...

Ол эрээри...
Мин тыыннаах кэриэтэ сылдьыһыаҕым
Кэннибэр хаалар дьоннордуун,
Кинилэрдиин бииргэ ыллаһыаҕым
Кэрэмэс кэмнэри уруйдуу.
Кинилэр уһатыахтара
мин муҥур үйэбин,
Кинилэр ситэриэхтэрэ
мин бүппэтэх үлэбин,
Кинилэр тэргэн суол оҥоруохтара
мин омоон ыллыкпын,
Кинилэр толорон ааһыахтара
мин муҥкук ырабын...

113
8 Заказ № 26