Page 113 - Иван Мигалкин Күн таммаҕын ыһыспыт дьылҕалар

киһи, биир тылынан, примитивнэй диэн сыаналыа суоҕа.
Итинник сыаналыыр дьоннор бэйэлэрэ тутах билиилээх
буолаллар. Мин олорор үйэбэр уһулуччу гениальнай су-
руйааччы сахаҕа Анемподист Софронов этэ. Кулаковскай,
Ойуунускай төһө да үчүгэйдэрин иһин, киниэхэ арыый да
арыый тиийбэттэр. Тимофей Сметанин саҥа талаанын ары-
йан иһэн, ситэ көрдөрбөккө сылдьан, өлөн хаалбыта. Уһун-
нук олорбута буоллар, тугу эрэ көрдөрүөхтээҕэ хаалла”.
Мин Афанасий Федоровы талааннаах диэбиппэр, Со-
фрон Петрович: “Кэпсээннэриттэн, бука, биир-икки эрэ
литератураҕа хаалара буолуо, оттон пьесата олох да сүтүоҕэ.
Элбэхтик үлэлииринэн үлэлиирэ гынан баран, кэпсээннэ-
рэ тутахтар. Өссө уһуннук олорбута да буоллар, улаханы
оҥоруо суох этэ, ити суолуттан, суруйбут кэпсээннэрит-
тэн атына суох буолуо этэ”, — диэн. (Софрон Петрович бу
этиититтэн билигин да мунаарабын, Афанасий Федоровы
салгыы сайдыа суоҕа диэн санаатыгар. Баҕар, кимнээҕэр
тыыллан-хабыллан суруйуохтааҕа хааллаҕа... Афанасий Фе-
доров баара-суоҕа 31 эрэ сааһыгар өлбүтүн учуоттаатах-
ха, айар үлэтэ иннигэр этэ... Билигин 40—45 саастаах биир-
дии-иккилии кинигэлээх автордары эдэр кэскиллээх су-
руйааччы, поэт диэн элбэхтик ааттыыллар.)
“Эдэрдэртэн билигин Иван Нуолур, Василий Яковлев-
Далан үчүгэйдэр, эрэннэриилээхтэр”.
Софрон Петровичка саҥа хоһооннорбуттан ааҕан иһитин-
нэрбитим.
Мин бастаан “Дьиэлэр түннүктэрэ умуллан бүттүлэр”
диэн хоһооммун аахтым. Онуоха кини: “Өйдүүрүнэн
өйдөөбөтүм гынан баран, үчүгэй соҕус буолсу быһыылаах,
ити “массыыналар суугуннара”, “үөһэ көтүөхпүн оҥорбут
алҕастарым тааһыран ыарахаттар” диэн адьас уопсай уонна
мөлтөх тэҥнэбиллэри туттубатаҕын буоллар, син бэрт хо-
һоон тахсара хаалбыт. Итинник уопсай тыллары туттар-
тан аккаастанар буол, саҥаны көрдөө, ааҕааччыны соһу-
тар гына”, — диэтэ. Сити кэнниттэн “Олоҕу ойуулуом”,
“Эрэлим миэнэ — эдэр ыччаттар”, “Диимэчээнэ” хоһоон-
норбун ааҕыталаатым. Былырыын саас “Хотугу сулус” 5
И-гэр 1974 сылга тахсыбыт хоһооннорум бөлөҕүн Софрон
Петрович сирийэн аахпыт эбит. Кини ордук “Дьоннор
үрдүктүк туттан сир анныгар киирэллэр” диэн строкабын
сөбүлээбит. 11 хоһооммуттан баара-суоҕа чороҥ соҕотох биир
эрэ строканы...
Сыллар ааспыттарын кэннэ киэн тутта саныыбын, ман-
нык улахан суруйааччы 19 саастаах эдэр киһи хоһоонут-
тан биир строканы сөбүлээн төбөтүгэр хатаабытын... Ол
кэмтэн номнуо 20 сыл ааһа оҕуста. Софрон Петрович сөбү-
«5
109