Page 116 - Иван Мигалкин Күн таммаҕын ыһыспыт дьылҕалар

диэн суруйан бэлэхтээтэ. Махтанным. Кини кирилиэскэ дылы
атааран биэрдэ. Киэһэ дьиэбэр 9 чаас саҕана кэллим”, —
диэн дневникпэр оччолорго суруйбутум. Ол саҕана дикто-
фон диэни олох да билбэт кэммит этэ. Онон өйбөр туох
инэн хаалбытын эрэ суруна сырыттаҕым. Кэпсэтиилэр
уопсай ис хоһооннорун. Манна даҕатан эттэххэ, Софрон
Петрович миэхэ бэлэхтээбит “Лиственница” диэн Моск-
ваҕа 1974 сыллаахха “Советский писатель” издательствоҕа
Семен Виленскэй тылбааһынан тахсыбыт кинигэтигэр, из-
дательство үлэһиттэрин болҕомтото суох сыһыаннарыт-
тан, кини оннугар Семен Петрович хаартыскатын бэчээт-
тээн баран: “Софрон Данилов — один из ведущих писате-
лей Якутии. В 1966 году “Советский писатель” выпустил
книгу его рассказов. В настоящем сборнике представлены
лучшие рассказы С.Данилова. Действие большинства из
них происходит в наши дни. С большим знанием жизни, с
психологической тонкостью создает писатель образы своих
земляков — охотников, оленеводов, учителей, врачей,
художников. Поэтично, с любовью описывает автор при-
роду Севера — величественные просторы родного края.
В сборник включена повесть “В двух шагах от школы”,
посвященная молодежи. Героиня ее, девушка Туяра, всту-
пает в борьбу со стяжательством и обманом и выходит из
этой борьбы победительницей”, — диэн ол хаартыска ан-
ныгар сурулла сылдьар. Мин маннык бэчээттэммит бутуу-
ру көрөөт, Софрон Петровичтан ыйыппытым: “Кинигэ тах-
сыбытын кэннэ издательствоҕа хаартысканы бутуйбуккут
диэн эппэтин дуо?”
— Суох, үлэһиттэрэ эдэр баҕайы оҕолор этилэр, олор-
го быыгабар бэрдэрэн, эбэтэр үлэлэриттэн уһултаран тугу
ситиһиэмий? Дьинэр, Сэмэн биһикки биир ийэлээх-аҕат-
тан төрөөбүт дьон маарыннаһарбыт ханна барыай? Бу-
туйуохтарын да сөп. Итиэннэ Сэмэн курдук аатырар киһи
мин оннубар олорбута туох куһаҕаннаах буолуой! Убай
аата убай, — диэбитэ Софрон Петрович.
Франция ааспыт үйэтээҕи классиктарын Мопассаны,
Золяны, Флоберы Россияҕа бастакынан И.С.Тургенев сыр-
даппыта. Оттон биһиги олорор сүүрбэһис үйэбит уһулуч-
чулаах художниктарын Пикассону, Матиһы, Лежены, Мо-
дильянины бэйэтин ыстатыйаларынан Илья Эренбург би-
лиһиннэрбитэ.
Ханнык баҕарар норуокка инники иһэр араҥа дьон баар
буолаллар, кинилэр атын норуоттары кытта искусствонан
уонна литературанан доҕордоһуулара бэйэлэриттэн алын
араҥаны эмиэ үрдүккэ угуйаллар. Онон үүнүүнү, сайдыы-
ны аҕалаллар.

112