Page 111 - Иван Мигалкин Күн таммаҕын ыһыспыт дьылҕалар

Барыман' да, кубалар, барыман...
Барыман эрдэлээн барымаҥ!

Афанасий Илларионов бу хоһоонунан Софрон Петро-
вич сырдык аатын үйэтитэ, кэрэ мөссүөнүн тыыннааҕым-
сыта туруоҕа диэн сырдык эрэллээхпин. Софрон Данилов:
“Саха норуота — кэскиллээх норуот. Үгүс күчүмэҕэй, дьал-
хааннаах кэмнэри, эрэйинэн-кыһалҕанан да буоллар, этэҥҥэ
туораан, бүгүҥҥү күҥҥэ тиийэн кэллэ. Инникитин, омук-
пут бүтүннүүтэ биир санааланан, эбии ыкса сомоҕолос-
тохпутуна, ханнык да бэйэлээх эриирдэргэ-мускуурдарга
өлөн-охтон биэриэхпит суоҕа, өссө эбии өрөйөн-чөрөйөн,
барҕарыы суолунан барыахпыт диэн энчирээбэт эрэллээх-
пит”, — диэн кэхтибэт кэриэһэ туоларын туһуттан саха-
лыы тыллаах барыта охсуһуохтаахпыт, үлэлиэхтээхпит.
Ханнык баҕарар кэм, ханнык баҕарар омук суруйаач-
чыта — бэйэтин төрөөбүт норуотун күүһүн, кыаҕын, эрэ-
лин уонна кэскилин айымньыларыгар көрдөрөн, ким аах-
пытыттан тутулуга суох ол киһиэхэ: “Кырдьык да, биирдэ
бэриллэр олоххо, мин да туох эрэ үчүгэйи оҥорон хаалла-
рыахтаахпын!” — диэн этитэр буоллаҕына, ол суруйаач-
чы дьиҥ талаанын норуот билинэр.
Оннук суруйааччы Софрон Петрович Данилов аҥардас
айымньыларын да ааттара — өр көрсүбэтэх доҕоргунуун
көрсүһэҥҥин, үөрэ-көтө, ис сүрэххиттэн аһаҕастык, ис-
тиҥник кэпсэтэ олороргун санаталлар. “Төрөөбүт алаас-
ка”, “Көрсүһүү”, “Дьиҥнээх доҕор”, “Сахалар ааттарыт-
тан”, “Мин эйиэхэ кэпсиим”, “Сүрэх тэбэрин тухары”,
“Дьону үөрдэ сырыттарбын”, “Киэҥ аартыгынан”, “Киһи
биирдэ олорор”, “Дьоллоох буолуҥ, бар дьонум”, “Сар-
сын эмиэ күн үүнүө”...
Кинигэ аатын табан биэрии — бу эмиэ суруйааччы ура-
ты дьоҕурун бэлиэтэ. Улахан айымньы ис хоһоонун биир
этиинэн түмүктээһинэ.
Тохсунньу 5 күнүгэр 1975 сыллаахха, Софрон Петро-
вич — Переделкиноҕа суруйааччылар айар уонна сынньа-
нар дьиэлэригэр баарын истэммин кинини көрсүһэ бар-
бытым. Киэһэ 4 чаас ааһыыта тиийбиппэр сынньана сы-
тар эбит, кини хап-сабар туран, дорооболоһон баран:
— Киэһэ аһылыгы сакаастыыбын дуо, дьиэҕэр хойутаа-
бат инигин?
— Олоро түһүөххэ син этэ, бүгүн бириэмэлээхпин.
Софрон Петрович хостон тахсыбытыгар, туумба үрдүгэр
өрөһөлөнө сытар Саха сириттэн кэлбит республикам ха-
һыаттарын сонурҕаан аахпытым, үксэ Эллэй юбилейыгар
анаммыт этилэр.

107