Page 118 - Иван Мигалкин Күн таммаҕын ыһыспыт дьылҕалар
P. 118
Таптыахтара кинилэр
мин тугу таптаабыппын.
Сириэхтэрэ кинилэр
мин тугу кыраабыппын.
Үрдүлэригэр
мин айхаллаабыт
Үрүҥ күнүм үрүлүйэн
күлүмүрдүү туруоҕа,
Аттыларыгар
мин уруйдаабыт
Күөрэгэйим үлүһүйэн
чугдаарыта туойуоҕа.
Ол буолуо —
мин өлбөт үйэм!
Хомолтону, кутурҕаны биллэрэн, маккыраччы ытыыр-
дааҕар, саҥата суох сүрэх, дууһа ытабыла ордук күүс-
тээх, ордук дириҥ санаарҕабыллаах! Сүрэҕи, дууһаны
тыыннааҕыҥ тухары санаарҕабыл уонна хомолто дириҥ
утаҕынан бааһырдан, хаһан да сөллүбэттик бобо ылар...
Ол курдук мин Софрон Петрович суох буолбутуттан сүрэх-
пинэн, дууһабынан ытаабытым. Кинини кытта төһө да ыкса
бодоруспатаҕым иһин, кини миэхэҕэ чугаһа, сүрэхпэр өрүү
истиҥ сыһыанынан сылдьара, олоххо ыраас уонна күүстээх
өйдөбүлү саҕара.
Кини дойдутугар, Горнай улууһугар, олохтоох “Үлэ күүһэ”
хаһыат 1993 с. балаҕан ыйын 11 күнүнээҕи субуотатааҕы
нүөмэригэр “Кэриэстэбил” диэн рубриканан “Тиһэх
көрсүһүү” диэн балаһаттан ордуктаах матырыйаалы жур-
налист, улуус хаһыатын редактора В.И.Алексеев бэчээккэ
бэлэмнээн таһааттарбыта.
Саха сирин народнай суруйааччыта Софрон Петрович
Данилов 70 сааһын туолан баран, самаан сайын үгэнигэр
төрөөбүт дойдутугар сылдьан, дьонун-сэргэтин кытта
көрсөн барбыт. Кинини кытта ол сырыытыгар кэргэнэ,
педагогическай үлэ ветерана М.Е.Данилова, народнай поэт
Семен Данилов огдообото А.С.Данилова, оччолорго Саха
сирин Суруйааччыларын союһун бырабылыанньатын пред-
седателин солбуйааччы С.И.Тарасов, академик А.Н.Осипов
уо.д.а. буоланнар сылдьыбыттар. Софрон Петрович улуус
дьаһалтатыгар буолбут көрсүһүүгэ тыл эппит, ыйытыы-
ларга эппиэттээбит. Кини дойдутугар бу тиһэх көрсүһүүтэ
эбит.
Кини онно эппититтэн интэриэһинэйэ буолаарай диэ-
биппин ааҕааччыларга билиһиннэрэбин:
