Page 127 - Иван Мигалкин Күн таммаҕын ыһыспыт дьылҕалар

Сынньала1т кэмигэр Софрон Петровиһы көрөммүн, дьал-
ты хааман эрдэхпинэ, киһи дууһатыгар “сык” гына сылаас-
тык киирэр намыын куолаһынан: “Уйбаан”, — диэн ыҥыран
тохтоппута. Мин кинилиин кэпсэтэр санаам суоҕа, тоҕо
диэтэххэ, бар дьонум иннигэр туох эмит туһалааҕы оҥор-
бутум суоҕуттан, итиэннэ олоҕум үтүөкэн эдэр сааһын
халтайга ыытан, 39 сааспар диэри Суруйааччы союһун
чилиэнин үрдүк аатын сүгэ иликпиттэн кыбыстарым...
Москванан, Якутскайынан син элбэхтэ Софрон Петро-
вичтыын кэпсэттэхпит буолуо, ол гынан баран кини хаһан
да санныбыттан кууһан туран кэпсэтэ илигэ. Бу сырыыга
кини аан бастаан кууһан ылбыта, оннук куустаран турам-
мын кэпсэппитим. Долгуйбутум... Кини дойдутугар Горнай-
га сылдьыбыппын, Мытаахха Семен Данилов музейын
көрбүппүн, онно Семен Петровичка анаабыт хоһоонум
(төрөөбүт оройуонум “Ленинскэй тэрийээччи” хаһыатыгар
бэчээттэммит) музейга киирээккин кытта, аан таһыгар баар
остуол өстүөкүлэ тааһын анныгар сытарын, Горнай үгүс
дэриэбинэтин кэрийбиппин кэпсээбитим. Софрон Петрович
арахсарыгар: “Этэҥҥэ сырыт, доҕоор”, — диэбитин алгыс
курдук ылыммытым. Бу үөрүүбүн кэргэммэр тута кэпсээ-
битим. Софрон Петрович курдук улахан суруйааччыттан
куустарыы — миэхэ дьол этэ. Дьиҥэр, бу тиһэх көрсүһүүбүт
буоларын мин хантан сэрэйиэмий?!
Кини үтүө, үйэлээх алгыһа тиийэн буоллаҕа, ити дьыл
балаҕан ыйын 12 күнүгэр 9 x 9 иэннээх сахалыы балаҕаны
20 хонук устата туттаран, эргэ балыыһа дьиэтин олоччу
өрөмүөннэтэн В.А.Протодьяконов—Кулантай аатынан Ли-
тературнай музей-комплексы кэргэмминээн үөрүүлээх бы-
һыыга-майгыга астарбыппыт. Бороҕонтон бэрт чугас баар
Чараҥ бөһүөлэгэр аһыллыбыт Литературнай музей-ком-
плекс улуу Ойуунускай төрөөбүтэ 100 сылын бэлиэтиир
кэрэ-бэлиэ сылга анаммыта. Биһиги музейбыт аһыллыы-
тыгар 140-ча ыалдьыт араас оройуоннартан кэлбитэ. Саха
Республикатын үбүн министрэ Владимир Ильич Птицын
музей салгыы сайдыытыгар көмөлөһөр санаалааҕын эп-
питэ. Кини салайар министерствота билигин В.А.Протодья-
конов—Кулантай аатынан Литературнай музей-комплек-
сы кытта шефтэһэн үлэлиир. Республика үбүн министрэ
В.И.Птицын үтүө көмөтүн иһин Уус-Алдан олохтоохторун
истиҥ махталларын ылыан ылар.
Саха народнай суруйааччыта Софрон Петрович Дани-
ловтыын тиһэх көрсүһүүм — мин өйбүттэн-санаабыттан
хаһан да умнуллуо суоҕа. Кини сырдык олоҕо, үйэҕэ хаал-
ларбыт суруйуулара кэнчээри ыччаты кэрэҕэ, үтүөҕэ өрүү
угуйа туруохтара диэммин бүк эрэнэбин.

123