Page 55 - Иван Мигалкин Күн таммаҕын ыһыспыт дьылҕалар

эрээри кини туһунан улахан ааттаах-суоллаах, элбэх чыын-
наах-хааннаах дьон суруйар, ахтар... Мин курдук кимиэхэ
да биллибэтэх, баара-суоҕа 19—23 сааспар дылы кинини
кытта эн-мин дэсиһэн, сорох ардыгар киниттэн сэмэлэ-
нэн, кини иннигэр араас кээмэйдээх “буруйдары” оҥорон,
ол быыһыгар оҕолуу сырдык санаанан үөрдүбүт эдэр киһи
ахтыыта бэчээттэнэ илик.
Олоҕу ситэ өйдөөбөттөн, аҕа саастаах дьону тиэрдэ
сыаналаабаттан, киһи эдэр сааһыгар араас алҕаһы оҥор-
туур. Бу алҕастар — буруйга-сэмэҕэ кубулуйуохтарын сөп.
Кэм-кэрдии ааспытын кэннэ, төһө да кыбыстыылааҕын
иһин, бэйэ алҕаһын билинии, мин саныахпар, кистии сыл-
дьардааҕар ордук ини!
П.А.Ойуунускай аатынан Саха Республикатын Государ-
ственнай бириэмийэтин лауреата Михаил Тимофеев Гор-
най улууһун “Үлэ күүһэ” хаһыатыгар 1992 сыл кулун
тутар 25 күнүгэр "... Ойон туруом, халыҥ хахха, хары-
һылта буолаары” диэн, тыа хаһыатын кээмэйинэн, ба-
лаһа аҥарыттан арыый ордук (320-350 строка) бэчээттэппит
ыстатыйата баар:
“Быйыл, кулун тутар 4 күнүгэр саха литературатын
төрүттэспит А.Е.Кулаковскай төрөөбүтэ 115 сылын туолуу-
тун бэлиэтээһин уонна кини саҥа тахсыбыт “Саха интел-
лигенциятыгар” кинигэтин билиһиннэрии буолла.
Өксөкүлээх Өлөксөйү үйэтитэр туһунан үчүгэй уураах-
тары таһаарбыт, Саха Республикатын маҥнайгы Президе-
нэ М.Е.Николаев кэлэн тыл эттэ.
Бу мунньаҕы истэн олорон, мин санаатым: “О, бу ман-
нык уураах урут, арыый эрдэ да тахсыбыт буолбатаҕын!..
Маннык мунньахтар арыый эрдэ буолбуттара буоллар
ньии!..”
Мин саныыбын 1977 сылы. Сэмэн сити сыл А.Е.Кула-
ковскай-Өксөкүлээх Өлөксөй төрөөбүтэ 100 сылын туолуу-
тун дьоһуннук, чахчы киэн туттуулаахтык бэлиэтэттэрээ-
ри, сүүрдэ-көттө, баттаҕа маҥхайыар диэри мөккүстэ,
этэ-хаана баранна да этэ. Кини туруорсубута А.Е.Кулаков-
скай аатын дьиҥнээхтик ырааһырдарга. Туруорсар этэ поэт
юбилейын Москваҕа Союзтар дьиэлэригэр — колоннай
саалаҕа мунньахтаан бэлиэтииргэ. Туруорсубута А.Е.Кула-
ковскай суруйууларын икки томнаах кинигэнэн таһаарарга.
Ити барыта кыаллыбатаҕа. Бу — иэдээннээх, кыайыыга
тэҥнээх тиһэх хотторуу этэ...”
Бу ахтыыны суруйбут Михаил Тимофеев курдук мин
эмиэ 1977 сылы саныыбын...
Бу 1977 сылга, төһө эмэ ытыктыырым, истиҥник саныы-
рым үрдүнэн, С.П.Даниловка үс суол буруйу оҥорбутум.
е *. 51
4 *