Page 53 - Иван Мигалкин Күн таммаҕын ыһыспыт дьылҕалар

Мүрү алааһым үрдүнэн сандаарыччы тыгар сытыы сар-
даҥалаах чаҕыл күммэр эмиэ көстөн кэлэр...
... Өйдөөҥ: онон мин — сир уола
Үксүү туруо өлбөт үтүөм:
Сири курдуом кустук буолан,
Сарыал буолан үөһэ көтүөм.

Кураан дьылга угут буолуом,
Суха буолан сири тиэриэм,
Таптал буолуом, мичээр буолуом,
Дьоҥҥо дэлэй дьолу биэриэм.
Санньыйбыкка сааскы тыалы,
Күн чаҕылын күлүмнэтиэм,
Ыалдьыбыкка, ымыы буолан,
Ырыабынан сэргэхситиэм.
Уордайыы уотун уматыам
Улугурбут муҥнаахтарбар:
Үҥүү буолуом, куйах буолуом
Көҥүлү көрдүүр бар дьоммор.
Өллөхпүнэ күрбэ буолан
Өрүһү быһан, өһөн сытыам:
Эрчим буолан, сырдык буолан,
Ийэ алааспын сырдатыам.

Итэҕэйиҥ ийэ сир уолун:
Өлүө суоҕа дьайбыт үтүөм,
Уйгу буолан, үөрүү буолан,
Сиргэ сылдьыам, күҥҥэ көстүөм.
1975

Уһулуччулаах поэт Семен Данилов чулуу айымньыла-
ра кини тыыннааҕын санатан, саха дьонун өрүү Кэрэҕэ,
Сырдыкка уонна Үйэлээххэ угуйар, уос номоҕо буолан,
бар-дьонун дууһатыгар, сүрэҕин сылааһыгар дириҥник
иҥэн хаалбыт. Сүрэх тапталынан ылыммытын ханнык да
күн-дьыл араас мөккүөрэ, киириитэ-тахсыыта кыайан соп-
пот. Семен Петрович айар үлэтин, тус олоҕун туһунан
мин элбэхтик эргитэ саныыбын. Кини олоҕо уонна үлэтэ-
хамнаһа барыта төрөөбүт сахатын норуотугар туһулам-
мыта. Элбэх түбүктээх общественнай үлэтиттэн быыс-арыт
буллар эрэ, Москваҕа үөрэнэр саха ыччаттарын кытта
көрсүһэртэн, кинилэрдиин атах тэпсэн олорон, сэһэргэһэ
(=*■______ 49
4 Заказ М? 26