Page 54 - Иван Мигалкин Күн таммаҕын ыһыспыт дьылҕалар

түһэн ааһартан хаһан да аккаастаммат этэ. 70-с сылларга
кини сүбэтин-аматын ылбыт, сылаас сыһыанын билбит,
истиҥ-иһирэх тылын-өһүн истибит саха студена элбэҕэ.
... Армияҕа сылдьаммын, бииргэ сулууспалыыр уолат-
тарым көрүөхтэрэ диэн кыбыстыбакка, икки төгүл ис-ис-
питтэн курутуйан, ытаан турардаахпын. Бастакыта —
Семен Петрович өлбүтүн туһунан суруктары Н.А. Габы-
шевтан уонна поэт Николай Дьяконовтан утуу-субуу ту-
тан бараммын. Онтон иккиспэр — “Күннээх халлаан” ырыа-
һыта Варя Потапова суох буолбутуттан:
Буруйдаабаппын кими да
Бутуллар бу мин олохпор,
Үтүө буолар кэммэр да
Үгүс дьону холбообоппор.

Олоҕум бэйэм илиибэр —
Олох да суох ким эрэ оруола.
Оонньуубун — бэйэм эрэ,
Ытыыбын — бэйэм эрэ...

диэн иэйэн-куойан суруйбуттааҕа өрүү эдэркээн саастаах
бар-дьонугар хаалбыт Варя Потапова. Улахан талааннар
бу Ийэ сиргэ чаҕылҕан курдук сырдыктык чаҕылыйан
ааһаллар. Кинилэр күндү таас иһиттии дууһалара чараас,
олус уйан буолар. Талааннары сатаан харыстаабаппыт эбээт,
биһиги, тыыннаахтар... Ааҕааччы ылынар-ылыммат аҥар-
даах отут кинигэни суруйбуттааҕар, биир “Күннээх хал-
лаанынан” үйэлэргэ хаалыахха сөп. Ити туоһута — Варя
Потапова!
Семен Петрович быраата, эмиэ народнай суруйааччы
Софрон Данилов “Сүрэх тэбэрин тухары” романыгар айыл-
лыбыт элбэх ахсааннаах ох тылларыттан баара-суоҕа үһү
эрэ холобурдуубун: “Сир үрдүгэр төлөммөт иэс суох”,
“Үтүөнү өйдүүр, кэрэни кэриэстиир эрэ көлүөнэ үрдүк
аналга тиксэр дьылҕалаах”, “Ордук хоһу саҥарыахпыт
диэн арай чиэһинэйэ суох, кэтэхтэригэр кирдээх санаалаах
дьон куттанар үгэстээхтэр”. Бу ох тыллары туттубутум
диэн, бастакытынан, Семен Петрович сырдык аатыгар тус
бэйэм бүтүн олохпунан, айар үлэбинэн, киһи буолбут
махталбынан хаһан да төлөммөт сүдү иэстээхпин, икки-
һинэн, мин көлүөнэм саха суруйааччыларыгар кинини
кытта ыкса аалсыспыт суоҕа, кини миэхэ оҥорбут Үтүөтүн
хайаан да өйдүүр, кини Кэрэтин бар дьоҥҥо кэпсиир,
кэлэр да көлүөнэлэр Семен Даниловы кэриэстии сыл-
дьалларын курдук үйэтитэр Ытык иэстээхпин. Үсүһүнэн,
Семен Данилов туһунан суруйуу да, ахтыы да элбэх. Ол

50