Page 59 - Иван Мигалкин Күн таммаҕын ыһыспыт дьылҕалар

көрсүһүүлэр саҕаламмыттара. Семен Петрович сорудаҕа
өйбөр баара да, иккис былааҥҥа көһөрүлүннэҕэ... Аны атас-
тарбын кытта Брянскайдаан хаалбытым. Нэдиэлэттэн ор-
дон кэлбитим кэннэ, Семен Петрович хас да киһинэн ыып-
пыт илдьит суруктара сыталлара.
Сарсыныгар институппар тиийбитим, ректор ыҥытта-
рар диэн буолла. Хайыамый, киирэргэ күһэлиннэҕим. Бил-
лиилээх театральнай критик Владимир Федорович Пиме-
нов уһун ураҕаһы ыйыстан кэбиспит киһи курдук, көбүс-
көнө уҥуохтааҕа, кып-кыһыл хааннааҕа, хайдах эрэ сыы-
йан саҥарара. Киниэхэ ыҥырыллыы — “ытылларга” уураах-
таныы этэ. Киһим сирэйэ-хараҕа наһаа кыыһырбыт көрүҥэ
суоҕа. Эрэх-турах буоллум. Эмиэ мөҕүллэргэ бэлэмнэнним.
Кэлиҥҥи ыйдарга туох айыылаахпын-харалаахпын өйбөр
сыымайдыы сатыы турдум. Литературнай институт биир
куһаҕана — 200-тэн тахса эрэ студеннаах буолан, хас биир-
дии студены профессордар бэйэлэрин тарбахтарыныы ааҕа
билэллэрэ. Кинилэр дьоҕурдарын, туох итэҕэстээхтэрин,
үөрэххэ дьулуурдарын.
— Миэхэ ытыктыыр киһим Семен Петрович Данилов
телефоннуу сырытта. Эйигин ыйыталаста. Уопсайгар олор-
ботоҕуҥ ырааппыт үһү. Ханна сырыттын?
— Брянскай уобалас дэриэбинэлэрин кэрийдим. Нуучча
бааһынайдара хайдах олороллорун көрөөрүбүн. (Бу мин
албаһым этэ. Владимир Федорович дэриэбинэттэн төрүттээ-
ҕин, дэриэбинэ олоҕун-дьаһаҕын драматурдар сатаан су-
руйбаттарын кириитикэлиирин истэрим.)
— Дэриэбинэ олоҕун үөрэтэриҥ үчүгэй, ол эрээри эл-
бэҕи көтүтэриҥ куһаҕан. Институттан уһуллан хаалыах-
хын сөп. Семен Петрович этэринэн, эйиэхэ саха классигын
рукопиһа баар үһү. Ону бэрт түргэнник тиксэр. Бэчээккэ
барыахтааҕын туппуккун.
Владимир Федорович “бэрт түргэнник тиксэр” диэн,
занятие кэнниттэн бүгүн тиксэриэхтээхпин сыыһа өйдөөбүт
аатыран, үөрэх чааһын сэбиэдиссэйигэр киирэн, Влади-
мир Федорович сорудахха ыытта, бүгүн издательствоҕа
суһал рукопиһы илдьэр буоллум диэн этэн, үөрэхпиттэн
көҥүллэттим. Курс старостата кабинекка киирэн барар-
дыы хомунан эрэрбин көрөн:
— Мигалкин тоҕо үөрэммэккин, ханналаатыҥ? — диэн
кыыһыран ыйыппытыгар: — “Ректор сорудаҕынан изда-
тельствоҕа бардым,” диэн, бэйэтэ да ньылаҥса майгылаах
москвич уолу “мах” ыыттым. Бу уол араспаанньатын тоҕо
ааттаабаппыный диэтэххэ, билигин биллэр бөдөҥ суру-
наал улахан тойоно — эппиэттиир секретарь. Ити иннинэ
комсомол Киин Комитетын эппиэттээх үлэһитэ этэ. Аҕы-

55