Page 79 - Иван Мигалкин Күн таммаҕын ыһыспыт дьылҕалар

иҥэрэн, саха поэзиятыгар сонун суолу арыйыа диэн эрэ-
нэбит. Саха баай поэзиятыгар саҥа чаҕаан куоластар кии-
рэн истиннэр. Николай Габышев. Москва куорат. 1974 сыл,
ахсынньы”. Н.А.Габышев бу киирии тылын мин “Ньургу-
һуннаах сурук” диэн кинигэбэр анаан суруйбута эрээри,
кинигэ “Чэчир” кассетаҕа тахсан, ыстатыйа ханна да туһа-
ныллыбакка хаалбыта. Маны дьэ тоҕо туһанным диэтэххэ,
Николай Алексеевич умнууга хаалбыт үлэтин көр-
дөрөөрүбүн. Кини барыга-бары олус болҕомтолоохтук сы-
һыаннаһара. Эдэрдэри тылынан буолбакка, дьиҥнээх дьыа-
ланан өйүүрэ. 1982 сыллаахха, кулун тутар 12 күнүгэр,
бээтинсэҕэ, дневникпэр маннык суруйбуппун: “Дьиэбэр
кэлээт, Николай Габышев туһунан ыстатыйабын саҕалаа-
тым. Кини 60 сааһын көрсө. Олус таптыыр, истиҥник са-
ныыр, киэн туттар уонна өрүү сүбэлэтэр аҕам курдук
киһини, улахан суруйааччыны. Маннык дьон олус уһун
үйэлэнэллэрэ буоллар!” Н.А.Габышев 60 сааһын туолар
күнүгэр киниэхэ анаан кыракый хоһоонум суруллубута:
Аламаҕай санаалаах,
Аҕа суруйааччыбыт
Алта уон сааскын туоллуҥ,
Айхалы этэбин, Эн —
Арыллар ыраас ааккар.
Кэрэ унаар дууһаҕар
Күннээх олоҕу туойан,
Кыҥкыныы ыллаатыннар,
Кэхтиини кыйдаатыннар —
Кылбаарар кыталыктар.
Саха сиринээҕи кинигэ издательствота 1982 сыллаахха
орто уонна улахан саастаах оҕолорго Николай Габышев
“Үтүө аргыстар” диэн кинигэтин бэчээттээбитэ. Автор аан
тылыгар: “Өлбөт уус-уран айымньылары суруйбут биһиги
бастыҥ суруйааччыларбыт олохторун билэрбит наадалаах.
Кинилэр биһиги олохпут үтүө аргыстара, күндү дьоммут
буолаллар. Ол иһин бу саха уон суруйааччыларын олохто-
рун туһунан кинигэбит аата “Үтүө аргыстар” диэн буол-
ла”, — диэн суруйбут.
Николай Габышев бу кинигэтин ааҕан бараммын, “Үтүөҕэ
уһуйар үтүө аргыстар” диэн кыракый бэлиэтээһини оҥор-
бутум:
“Киһи олоҕо — мэлдьи айан: кэрэҕэ тардыһыы, тула-
лыыр эйгэни сонуннук, саҥатык абылата көрүү, дьону-
сэргэни кытта ыкса доҕордоһон, умсулҕаннаах олох ба-
рахсаны билии, олох умайар кутаатыгар сыраллан, буһуу-
хатыы.

75