Page 81 - Иван Мигалкин Күн таммаҕын ыһыспыт дьылҕалар

1987 сыллаахха балаҕан ыйын 24 күнүгэр Сергей Васи-
льев төрөөбүтэ 80 сылын бэлиэтиир киэһэҕэ анаан Бо-
роҕонтго Леонид Андреевич Попов, Георгий Прокопьевич
Башарин, Рафаэль Дмитриевич Ермолаев-Баҕатаайыскай
уонна Николай Алексеевич Габышев кэлбиттэрэ. Мин ки-
нилэри Суотту биэрэгэр киирэн тоһуйбутум. “Ленинскэй
тэрийээччи” хаһыат редакциятын шофера Николай Васи-
льев “Ракета” кэлиитигэр массыынатынан тоһуйан тура-
рын көрөн, Леонид Андреевичтаах настырыанньалара тута
көтөҕүллүбүтэ. Бу күн киэһэ 8 чаастан оройуоннааҕы Куль-
тура дьиэтигэр поэт Сергей Васильевка аналлаах литера-
турнай киэһэни, оройуоннааҕы “Чороон” литературнай
түмсүү салайааччытын быһыытынан, мин салайан ыып-
пытым. Мааҕыҥҥы суруйааччыларбытыгар эбии Саха си-
рин Суруйааччыларын союһун председателин солбуйаач-
чы, талааннаах прозаик В.С.Яковлев-Далан, эдэр драма-
тург Василий Васильев-Харысхал кэлбит этилэр.
Онтон Николай Габышевтаах ийэм дьиэтигэр баран,
түүн хойукка диэри ыалдьыттаабыттара. Онно мин хас да
тыһыынча кинигэлээх библиотекабын көрөн баран, Нико-
лай Алексеевич: “Уолум кинигэни мунньарыҥ үчүгэй эрээ-
ри, маны барытын сирийэн ааҕыаххын итиэннэ олоххор
сатаан туһаныаххын наада”, — диэбитэ өйбөр иҥэн хаал-
быта.
Георгий Прокопьевич Башарин биири эппитин өйдөөн
хаалбытым: “Мин өрүү режим быһыытынан эрэ аһыыбын.
Бачча хойут аһааччым суох. Аччыгым да иһин. Онон эһигини
кытта көннөрү олорсобун эрэ, төһө баҕарар сэһэргэһиэх-
пин сөп”, — диэбитэ.
Н.А.Габышев бу кэлэ сылдьан икки кинигэтин суруйан
бэлэхтээбитэ. “Үтүө аргыстар” кинигэтигэр: “Эдэр доҕо-
рум Уйбаан! Бу эһэлэриҥ эрэйдээх олохторо холобур буол-
лун. Мин да хомуйа сатаабыппын... Автор Ньукулай Хаа-
быһап. 24.1Х.1987”. Онтон көр-күлүү, элэк-эгэлгэ кэпсээн-
нэрдээх “Көрдөөх Күндэлэйгэ”: “Зоя уонна Уйбаан! Отуч-
ча сыл мунньан суруйбут оҕо ытыһын, чыычаах тумсун,
балык хатырыгын саҕа кыракый көр-күлүү кэпсээннэрбин
үтүө ыал буолбуккутугар үөрэн бэлэхтиибин! Автор Ньу-
кулай Хаабыһап. Балаҕан ыйын 24 күнэ, 1987 с.”
“Хайаатар да дириҥник суруйар буол, кэрэтик олор,
дьолу-соргуну аргыстан!” диэн билсиһиибит бастакы күннэ-
ригэр, 1973 сыллаахха балаҕан ыйын 11 күнүгэр Н.А.Га-
бышев “Эн биһикки олохпут” кинигэтин бэлэхтээбитин олус
да күндүтүк санааммын, өрүү хат-хат ааҕа, көрө сылдьа-
бын. 1976 сыллаахха “Ытыс саҕа кэпсээннэрэ” тахсыбы-
тын Якутскайга көрсөн: “Доҕорбор поэт Уйбаан Мигал-
77