Page 82 - Иван Мигалкин Күн таммаҕын ыһыспыт дьылҕалар

киҥна! Ардыгар киһи кыраттан кыыһырар. Ол кэриэтэ
ханнык да кытаанах түбэлтэдэ быыс булан күлбүт ордук.
Күлэр, үөрэр дьон кыайаллар тугу да уонна уһуннук
олороллор”, — диэн суруктаан-бичиктээн биэрбитэ.

* * *
Киһи диэн дьикти да буолар. Мин кэлин сылларга сту-
деннар дипломнай үлэлэрин суруйар улахан форматтаах
альбомнарыгар истиҥник саныыр дьонум өлбүттэрин кэн-
нэ хаһыакка бэчээттэммит кинилэр некрологтарын кырыйан
ылан, сыһыаран иһэр идэлэнним. Бу кэнниттэн, сааһы-
рыы бэлиэтэ быһыылаах, хастыы да хонук устата ол киһи
туһунан санаан тахсабын... Кинилиин аан бастаан билсибит
күммүттэн саҕалаан олоҕун тиһэх күнүгэр диэри кини
туһунан үтүө өйдөбүлбүн барытын харахпар оҥорон
көрөбүн... Уйадыйабын... Эдэркээн сааспыттан сүгүрүйбүт,
киһи-хара буолуубар элбэх үтүөлээх-өҥөлөөх таптыыр су-
руйааччым Н.А.Габышев күн сирин сырдыгыттан арахсы-
бытын кэннэ, ахсынньы 13 күнүгэр 1991 сыллаахха днев-
никпэр маннык суруйбуппун:
“Бэҕэһээ, күнүс 3 чааска: кырдьаҕас учуутал Н.С.Коло-
дезников дьиэбэр Николай Босиков кинигэлэрин көрө кэл-
лэ. Кини юбилейыгар ыстатыйа дуу, эҕэрдэ сурук дуу
суруйаары. Кинигэлэрим элбэҕин көрөн, сөхтө быһыылаах,
манныгы эрэ көрүөм диэбэтэх эбит, онон кини, соһуйбут
омунугар: “Уйбаан, кинигэҥ наһаа да элбэх, поэкка маа-
рынныыгын...” — диэтэ. Ону-маны сэһэргэстибит. Онтон
Николай Степанович: “Николай Габышев өлбүт үһү. Бэҕэһээ
таһаардахтара буолуо. Эн тоҕо киирбэтиҥ?” — онтон сал-
гыы эттэ: — Охтон түспүт да, өлбүт үһү...” Мин соһуйан
эрэ хааллым...
Н.А.Габышев — истиҥник саныыр суруйааччым. Киһи
быһыытынан олус үтүө, эйэҕэс, үрдүк культуралаах, ди-
риҥ билиилээх киһи. Эдэр суруйааччы киниттэн үөрэнэ-
рэ, үлэҕэ-хамнаска холобур оҥосторо элбэх. Николай Алек-
сеевич психолог суруйааччы буоларын билиҥҥи критик-
тэр өссө да ситэ арыйа иликтэрэ хомолтолоох. Мин тус
бэйэм кини айымньыларын олус сөбүлээн, тартаран ааҕабын.
Улахан талааннаах киһи.
Кыра да, улахан да поэт, бэйэтин суруйууларыгар
сөбүлүүр хоһооннооҕо буолуо... Нууччалыы тылбаастам-
мыт “Я это слышу” диэн хоһоонноохпун. Бу сүүрбэччэлээх
сылдьан суруйбут хоһоонум сахалыытын да, нууччалыы-
тын да бэйэм табыллыбытынан ааҕабын. Ол да иһин буо-
луо, Николай Алексеевич Габышевка анаабытым.
78