Page 100 - Иван Мигалкин Күн таммаҕын ыһыспыт дьылҕалар

В.А.Протодьяконов-Кулантай аатынан Литературнай
комплекска Бороҕон бөһүөлэгин олохтооҕо, “Сиринэн, тыа-
нан сиэттиһэн” кинигэ автора И.С.Прудецкай кырдьаҕас
50-с сыллартан ыла кырыйан муспут саха литератураты-
гар сыһыаннаах ыстатыйалары бэлэхтээбитэ. Онно ССРС
суруйааччыларын II съеһин иннинэ республика хаһыаты-
гар 1954 сыллаахха Николай Габышев “Көмөнү күүтэл-
лэр” диэн кыракый бэлиэтээһинэ тахсыбыт: “Советскай
суруйааччылар иккис съезтэрэ аһыллара улам чугаһаан
иһэр. Съезкэ эдэр суруйааччылары иитии, кинилэргэ
көмөлөһүү туһунан боппуруос киэҥник туруоруллуо.
Биһиэхэ, Саха сиригэр, эдэр суруйааччылары кытта
үлэлээһиҥҥэ, өскөтө урут утуу-субуу кэриэтэ эдэр су-
руйааччылар республиканскай икки сүбэ мунньахтара
ыытыллыбыт буоллаҕына, кэлин үс сыл устата итинник
сүбэ мунньах ыҥырыллыбата.
... поэзияҕа, прозаҕа, драматургияҕа уонна ордук чор-
ботон литературнай критикаҕа кэнники үс сылга биир эмэ
саҥа, эдэр суруйааччы боччумнаах айымньыны биэрэ илик.
Тыа сиригэр — колхозтарга, кулууптарга, оскуолаларга,
литературнай куруһуоктарга түмсүбүт, айар үлэҕэ дьу-
луһар эдэр ыччаттарга биллиилээх суруйааччылар,
ЫБСЛКС уобаластааҕы комитета быһаччы көмөлөспөттөр.
Ити түмүгэр эдэр суруйааччылар үүнүүлэрэ бытаа-
рар, саҥа айымньылары суруйарга кинилэри ким да көҕү-
лээбэт. Эдэр автордар бэчээттэммит хоһооннорун, кэпсээн-
нэрин туһунан критическэй ыстатыйалар тахсыбаттар,
кинилэр айымньыларын киэҥник ырытар, дьүүллэһэр
мунньахтар, семинардар тэриллибэттэр.
... Саха сирин эдэр суруйааччыларын ортотугар тэрээ-
һиннээх үлэни ыытар, кинилэргэ сөптөөх болҕомтону уурар
уолдьаста”.
Бу бэлиэтээһинтэн көстөрүн курдук, Николай Алексее-
вич эдэр сааһыттан, саха литературатын инники кэски-
лин иһин, саха литературатын сайыннарар туһуттан са-
нааларын аһаҕастык этэрэ, суруйара, ол туһугар охсуһара.
Саха дьоно таптаан ааҕар биллиилээх суруйааччы Н.А.
Габышев туһунан П.А.Ойуунускай аатынан Саха Респуб-
ликатын Государственнай бириэмийэтин лауреата Рафа-
эль Баҕатаайыскай, Петр Аввакумов, Николай Васильев,
Василий Сивцев, философскай наука доктора Борис По-
пов, Николай Босиков уо.д.а. суруйбуттара. Народнай поэт
Петр Тобуруокап, Таллан Бүрэ, Семен Данилов, о.д.а.
Н.А.Габышевка анабыл хоһооннордоохтор.
“Сааскы күн барахсан тэмтэйэ ойон тахсыбыта тоҕо
баҕас ырааһай, сырдыгай!

96