Page 101 - Иван Мигалкин Күн таммаҕын ыһыспыт дьылҕалар

Тоҕо эрэ мин күнү көрөн олорон, үтүө санаалаах то-
луу, мааны киһини — Николай Алексеевич Габышевы
санаан кэллим...
Саас хас биирдии сүрэххэ күндү, кэрэ. Мин хоту сыл-
дьан биир дьиктилээх кэпсээни истибитим. Ол маннык этэ.
Хотугу дьон кыыстарын саас эргэ биэрэллэр. Кыһын
төрөөбүт оҕону саас сүрэхтииллэр. Күн күүтүүтэ, хор, итин-
ник күүстээх эбит.
Николай Алексеевиһы дьоно эмиэ, оҕобут күнү кытта
айаннаа, күн курдук сырдык санаалаах, модун иэйиилээх
буол диэн алҕаатахтара.
Күнү, олоҕу таптаан, бэйэтин төрөөбүт норуотун лите-
ратуратыгар күнтэн көҕөрөр сааскы уохтаах кырыстыы
үүнэн тахсыбыт киһи — бу, Николай Алексеевич. Кини
уонунан ааҕыллар кэпсээннэрин кинигэтэ эмиэ бу күн
күлүмүн анныгар, күнү эрэ таптаабыт хоһуун дьону ойуу-
лаан суруллубуттара чахчы...” — диэн мин биир дойдулаа-
ҕым Николай Босиков эппитэ эриэккэһин!
Миигин кытта бииргэ үөрэммит Молдова поэтессата Лена
Викол: “Габышева знаю. Он — настоягций мужчина”, ка-
бардинец табаарыһым Тенгиз Адыгов, кини төрөл уҥуоҕун
көрө сылдьан: “Нежный, талантливый Николай Алексее-
вич”. Болгария поэта Любен Лачански: “Симпатичный,
умный человек”, доҕорум, нуучча поэта Володя Ногови-
цын: “У Габышева энциклопедические знания”, —• диил-
лэрин, кинини сөҕөн-махтайан ааттыылларын истэрим.
Өссө Бүлүүтээҕи педучилищеҕа үөрэнэ сылдьаммын
Николай Габышев “Эн биһикки олохпут” кинигэтин олус
долгуйан аахпытым, онтон ыла бу кинигэни төһөтө төх-
түрүйэн аахпытым буолуой?
Аахтаҕым ахсын ордук кэрэтийэр, суруйааччыга истиҥ
тапталым күүһүрэн иһэр. Ол аайы дьикти үчүгэй санаа
ибир-ибир долгуна хааммар сылаастык тарҕанар.
Суруйааччы ааҕааччытын долгутуута — бу ситиһиитэ,
кыайыыта, дьоҕура уонна дьоло. Кини ааҕааччытын Дьиҥ-
нээх Киһи буоларга үөрэтиитэ —• бу талаана. Николай Га-
бышев оннук киһи, оннук талааннаах суруйааччы быһыы-
тынан биһиги сүрэхпитигэр хааллаҕа!
Кини элбэх ахсааннаах кинигэлэриттэн аҥардас биир
“Эн биһикки олохпут” кинигэтин да ылан көрдөххө, бу
барыбыт олоҕо, үөрүүтэ, таптала. Үтүө киһи, үтүө суру-
йааччы аатыгар истиҥ, иһирэх тыллары этиэхпин эрэ ба-
ҕарабын.

______ 97
7 Заказ № 26