Page 98 - Иван Мигалкин. Сүрэхтэн саҕыллар санаалар

ныыр табаарыһым наадыйда диэн, элбэҕи ыла сылдьан баран
биэрбитэ. Мин да эриэ-дэхси мэлдьи бэркэ олорботоҕум, биэс
сыл тухары устудьуон киһиэхэ уп-ас тиийбэт кунэ-дьыла ханна
барыай! Оттон ханна да бакаа бэчээттэнэ илик, ордук бастакы
куурус устудьуоннара, сорохторо сэрии тулаайахтара эҥин буо-
лан дьиэлэриттэн көмө ылбат, 22—25 солкуобай стипендиялаах
буоланнар бэрт кыһалҕалаахтык үөрэнэллэрэ, онон эһигини ки-
нилэргэ ханыылыы көрөммүн аһатарым даҕаны, харчы да бэр-
сээччибин. 25-тии солкуобайы Чуукаар, Анатолий Старостин
ылбыттарын өйдүүллэрэ дуу, суоҕа дуу? Чуукаар, эн буолан Пе-
ределкиноҕа Айар дьиэҕэ олордохпуна тиийэр, хонор эҥин эти-
гит. Чуукаар экзаменын билиэттэрин илдьэ тахсан кэпсэттэрэн
сордуура. Көстүүм ылынаарыбын эн биһикки биирдэ бэрт элбэх
маҕаһыыны кэрийэн баран, «Минск» маҕаһыыҥҥа эрэ генераль-
най консультаным, эн, дьэ көҥүллээҥҥин кримплен көстүүмү ыл-
быппыт — дэлби сылайбыппыт, онон син хоп курдук сууйдахпыт
буолуо, бука. Онтум билигин да баар ээ, бөҕө баҕайы эбит этэ.
— Өлбүтүн кэннэ нуучча поэзиятын классигынан ааттаммыт
Николай Рубцову билэр этиҥ дуо? Кини эн кэмҥэр үөрэммит буо-
луохтаах.
— Эрчимэн Рубцовтуун бииргэ үөрэммит курдук кэпсиирэ,
ОЧЧОҔО КИНИ миигиттэн икки куурус анныкы үөрэммитэ буолуо.
Били, сэрии туһунан кэпсээ диэбиттэригэр — биирдэ да бааһыр-
батаҕым, онон кэпсиирим суох диэбит сэрии бэтэрээнэ бокуон-
ньук Семен Захаров оҕонньордуу эттэххэ, мин Рубцовтуун биир­
гэ арыгылаабатаҕым. онон кинини өйдөөбөппүн. Кини кууруһут-
тан кугас куударалаах уһун хохол Коля Котенконы кытта бэртии
этибит, кэлин да Москваҕа тиийдэхпинэ, көрүстэххэ кууһа түһээх-
тиир буолара. Биирдэ үөрэнэ сылдьан төрөөбүт күнүгэр ыҥырбы-
та — устудьуоннартан украинецтар эрэ бааллара, нууччалартан
арай Ольга Фокина уонна омуктартан мин баарым. Киевтэн кэлэ
сылдьар, оччолорго саҥа аатыран эрэр Иван Драч ыалдьыттаа-
ҕа. Дойдутуттан сибиинньэ сыатын уонна первач самогону ыып-
пытттарын «туттубуппут». Сыалара национальнай деликатес-
тара быһыылаах — олус үрдүктүк туталлар, биһиги сылгы хаһа-
тынан өҥнөрбүт курдук.
— Мин биир дойдулаахтарым Баал Хабырыыс, Сергей Ва­
сильев, Кулантай, Алексей Бээрийээк, талааннаах тылбаасчыт
Григорий Тарскай уонна учуонай Иннокентий Пухов тустарынан
туох этэрдээххин?
— Билэттээн бөҕө, барыларын кытта тыыннахтарына кер-
сүспүт, кэпсэппит, дьүһүннэрин көрбүт, тылларын-өстөрүн исти-
94