Page 171 - Иван Мигалкин. Сүрэхтэн саҕыллар санаалар

ааҕааччылыын сааһыттан, идэтиттэн тутулуга суох истиҥник
кэпсэтэригэр, өйдөөбүмсүйэ, үөрэтэ-такайа сатаабатыгар, бэйэтэ
бэргэнник эппитинии «көннөрү киһи» көннөрүнү күннээҕинэн таба
көрөн, ханнык да ааҕааччы сүрэҕэр-быарыгар иһирэхтик ылына-
рыгар, киниэхэ тус бэйэтигэр анаммытыныы сөбүлүү саныыры-
гар буолар. Поэтическай тыл кэрэтинэн оту-маһы хамсаппакка,
алааска ситэн силигилээбит уонунан араас сибэккини күүскэ таа-
рыйбакка, эбэ күөх ньуурун имэрийэн ылардыы Баал Хабырыыс
нарыннык-намчытык суруйар, дууһатын ырааһынан хоһуйар,
сүрэҕин сылааһынан туойар...
Ырыанан, үтүө санаанан,
Ыраас, сырдык тапталынан
Дьону дьоллоох оҥороору,
Дьон баҕатын толороору,
Бэйэм олохпун умуннум,
Бэйэм тус дьолбун тумуннум.
«Дьону дьоллоох оҥороору», — диэн Баал Хабырыыс этиитэ
ханнык да тутуллаах олоххо суолдьут сулус буолан үйэлэргэ хаа-
лар үрдүк аналыгар кэнэҕэһин-кэнэҕэс да саха ааҕааччыта өрүү
сүгүрүйүөҕэ.
Норуот таптыыр поэта Гавриил Григорьевич Вешников-Баал
Хабырыыс 1918 сыллаахха муус устар 15 күнүгэр Уус Алдан
улууһугар төрөөбүтэ. 1969 сыллаахха муус устар 22 күнүгэр Мос-
кваҕа, 51 сааһыгар, айар үлэтин үгэнигэр сылдьан, бу олохтон
өлөн туораабыта. Уус Алдантан тахсыбыт бөдөҥ поэттары Сер­
гей Степанович Васильев-Борогонскайы уонна Баал Хабырыыһы
кылгас түгэҥҥэ да буоллар, көрөн ылбыт дьоллоохпун.
«Баал Хабырыыска махтанан, айымньыларын хайҕаан, быс-
тах ааҕааччылар санааларын биллэрэр заметкалартан саҕалаан
улахан соҕус ырытар ыстатыйалар. мындыр рецензиялар — ба-
рыта сүүрбэччэ үлэ суруллубут. Олор ортолоругар ордук чор-
ботон С. Руфов, И. Федосеев, Эллэй, Н. Петров, Ф. Софронов
уо.д.а. ыстатыйаларын бэлиэтиир наадалаах. Мин санаабар,
саха поэзиятыгар кини быстах сылдьан ааспыт ыалдьыт, хонор
хоноһо буолбатах этэ. Кини — саха литературатын быстыспат
сорҕото. И. Петров уобарастаан эппитинии, Аал Луук Маһын
биир төрөлкөй лабаата. Ол лабаа билигин да силигилии үүнэ-
сайда турар...» — диэн филологическай наука дуоктара Николай
Тобуруокап «Баал Хабырыыс поэзиятын туһунан» диэн үлэтигэр
киэҥник ырытан, поэт сүдү маастарыстыбатын итэҕэтиилээхтик
арыйан суруйбута. Онтон үтүөкэн сэҥээриилэри, бэлиэтээһин-
167