Page 176 - Иван Мигалкин. Сүрэхтэн саҕыллар санаалар

УРАТЫ ТЫЫНЫНАН ИЛГИИБИТ ПОЭЗИЯ

Киһи бэйэтиттэн уратыны кытта билсэригэр, кини таҥаһынан-
сабынан, хайдах көстүүлээҕинэн сыаналыыр. Альберт Бүлүүйүс-
кэй бэйэтин көрүнэр итиэннэ таҥаһыгар дьүөрэтэ суох ырааһа,
киһини тардар сырдык дууһалааҕа... Биһиги курдук поэзияны
таптааччылары Альберт маҥнайгы чап-чараас «Уоттаах түннүк»
кинигэтинэн бэл билиҥҥэ диэри, сааһыран түспэтийиэхпитигэр
диэри, бэйэтин ураты тыынынан, чэбдик салгынынан угуйар...
Аҕыйах сыллааҕыта «Дойдубар мин хайаан да эргиллиэм»
диэн А. Бүлүүйүскэй кинигэтин Т.С. Кириллин уонна С.Т. Руфов
хомуйан оҥорон, маны тэҥэ норуодунай поэт Семен Руфов бэ-
чээккэ бэлэмнээн, киирии тылын суруйан «Бичик» кинигэ кыһаты-
гар таһаартарарбытыгар Апьбертыын, кини тыыннааҕын курдук,
үөрүүнэн көрсүбүтүм.
Апьберы санаан ылларбын эрэ, харахпар бу баардыы Варя
Потапова, Василий Саввин, Василий Дедюкин көстөллөр. Бары
дьиҥ чахчы талааннаах дьон, ол эрээри тыыннаахтарыгар ситэ-
хото сыаналамматах поэттар. Кинилэр кэккэлэригэр убайдаатар
убайдара Дмитрий Дыдаевы киллэрэбин. Дыдаевтыын сирэй
билсибэтэх да буолларбын, олус таптыыр, үрдүктүк сыаналыыр
поэтым. Альбертан саҕалаан бу ааттаабыт поэттарым тыыннаах­
тарыгар албан аатырыыны билбэтэхтэрэ, арай бэйэ-бэйэлэрин
истиҥник санаһаллара, хардарыта ытыктаһаллара.
«Уоттаах түүҥҥү Дьокуускайы» биһиги көлүөнэ 050 да сыл-
дьан, итини тэҥэ, эдэркээн саастарбыт күөгэйэр күннэригэр да
төһөлөөх ыллаатахпыт буолуой, үөрэн-көтөн, сарсыҥҥы олохпут,
кэлэр айар үлэбит сардаҥалаах буоларыгар ис сүрэхтэн эрэнэн,
итэҕэйэн, бар дьоммутун барыларын ыраастык санааммыт, ки-
нилэргэ кэрэни эрэ саҕар сырдык санааларынан кынаттанан...
Дууһабыт сылааһын, кини истиҥ иэйиитинэн «Уоттаах түүҥҥү
Дьокуускайы» доллоһута туойбут буоллахпытына, «Күнүскү
үлэһит Дьокуускай» оччотооҕу эдэркээн поэттары бэйэтин
көрүүтүнэн, туе сыаналааһынынан, кими да харыстаабат «миэ-
лиҥсэтинэн» киһи быһыытынан ыраас майгыбытын, сырдыкка,
кэрэҕэ тардыстар санааларбытын аахсыбакка, бурдук куруппа-
тыныы «мэлийбитэ»...
Ааспыт үйэ 70-е сылларын саҥатыгар саха эр дьонун поэтта-
рыгар мин саамай эдэрдэрэ этим. Барыларыттан уончалыы, уон-
тан тахсалыы сыл балыһым. Мин бастакы кинигэм 1976 сыллаах-
ха 22 саастаахпар «Ньургуһуннаах сурук» диэн аатынан «Чэчир-
гэ» тахсыбыта. Оччолорго Москватааҕы Литературнай институт
172