Page 173 - Иван Мигалкин. Сүрэхтэн саҕыллар санаалар

Мурү быллаарын быыһыгар,
Танда урэҕим талаҕар
Хаалбыта ытаан, сайыһан
Хаарыаннаах мин оҕо сааһым...
Баал Хабырыыс хоһоонугар ханыылаан: «Отон этим — оҕо
этим. Олох диэн тугун билбэтим», — диэн суруйбуттааҕым.
Саха литературатыгар бэйэтин ураты суолун-ииһин хааллар-
быт уһулуччулаах лиирик-поэт Баал Хабырыыс «дьону дьоллоох
оҥороору» айар үлэ аартыгын арыйбыта, сэмэй олоҕун төрөөбүт
норуотугар анаабыта, кини оҕолорго суруйууларынан «күн бытар-
хайын» үөрдэ-көтүтэ кырачааннарга ыһыспыта, «үчүгэйин даҕа-
ны үөскээбит дойдубут» диэн кэрэ өйдөбүлүнэн нарын-намчы ли-
рикатын сүрэҕин сылааһынан суруйбута, итиэннэ айымньылаах
айар үлэтин «Көннөрү киһи кэпсээнинэн» түмүктээбитэ.

ДОҔОРДОҺУУ НАРЫН ТОЙУКСУТА

Саха чаҕылхай лиирик поэттарыттан биирдэстэрэ. Доҕор-
доһууну, истиҥ тапталы уонна кыыс кэрэ айылҕаны олус нарын-
нык туойбут Гавриил Григорьевич Вешников-Баал Хабырыыс
поэзиятын оҕо сааспыттан сөбүлээн ааҕан улааппытым.
Иккис көлүөнэ сэбиэскэй поэт быһыытынан Баал Хабы­
рыыс итинник саха литературатыгар эрэллээхтик киирэн баран,
төрөөбүт норуотугар «Кэрэ киэһэлэр», «Аччыгый атастарбар»,
«Мин аны улааттым», «Мин көлүөнэм», «Доҕордоһуу тойуктара»,
«Лирика», «Хоһооннор. Остуоруйалар», «Туох диирий сүрэҕим»,
«Тыатааҕы», «Мин аргыстарым», «Киһи тахсар дьоно», «Туһа
киһитэ», «Үчүгэй оҕо», «Киһи суола барбыт» уо.д.а. отучча кини-
гэни сахалыы, нууччалыы тылларынан баай литературнай нэһи-
лиэстибэни хаалларбыта.
Айар үлэ Баал Хабырыыска саамай таптыыр, ис сүрэҕиттэн
тардыстан ылларбыт идэтинэн буолбута. Кини хоһоонноро су-
дургулар, лоп бааччы кэпсэтэн эрэрдии истиҥнэр итиэннэ ыраас
санаанан салайтаран суруллубут буолан, ааҕааччыга тиийим-
тиэлэр. Норуот таптыыр поэта Баал Хабырыыһы уонна кини
доҕоро В.Ф. Афанасьев-Апданскайы хаһан, ханна аан бастаан
көрбүппүн бу баардыы өйдүүбүн. 1968 сыллаахха от ыйын саҥа-
тыгар Мүрү орто оскуолатын 7-с кылааһын бүтэрэн, сайылыы
Тулунаҕа бараары сылдьарым. Ленин уулуссатынан кэлиэхтээх
169