Page 174 - Иван Мигалкин. Сүрэхтэн саҕыллар санаалар

массыынаны дьиэбит түннүгүнэн кэтэһэн турдахпытына, аҕам
Василий Николаевич эмискэ соһуйбуттуу:
— Хайа, Виктор Федорович Баал Хабырыыстыын аастылар
дии, — диэбитигэр, Баал Хабырыыс оҕолорго кинигэлэрин элбэ-
5И аахпыт буоламмын, Виктор Федорович диэн кимин сонурҕаан
ыйыппытым.
Кинилэр аа-дьуо хаамсан ааһан эрэллэрин одуулаһа туран:
— Виктор Федорович Афанасьев-Алданскай улахан учуонай,
Уус Алдан киһитэ. Үгэлэри, хоһооннору суруйар поэт, — диэн
аҕам быһааран, кинини билэрин туһунан кэпсээбитин интэриэ-
һиргээн истибитим.
Мин оччотооҕу санаабар, поэт уонна учуонай диэн тыллар
биир киһиэхэ ситимнэнэн дьүөрэлэспиттэрэ ордук муодарҕап-
пыттара... Ити өйбөр дириҥник хатанан хаалбыта. Бу кэмҥэ
төлөпүөнүнэн массыына кэлбэтин аҕабар биллэрбиттэрэ.
Бороҕоҥҥо билигин да баар милииссийэ дьиэтин утары ки­
нотеатр баара, ол аттыгар хаһыат, сурунаал атыылыыр киоска-
лааҕа. Сотору соҕус буолан баран, күҥҥэ уонна керер киоскам
таһыгар турдахпына, дьиэм түннүгүн нөҥүө көрөн ылбыт куо-
ратым дьоно бу тиийэн кэлбиттэрэ. Киһи өйдөөн истибэт гына
ботур-ботур кэпсэппиттэрэ, хаһыат, сурунаал бөҕөтүн атыыла-
һан, 14 саастаах тыа уолун сөхтөрбүттэрэ. Кинилэри эргийэ сыл-
дьаммын, өр астына-дуоһуйа көрбүтүм. Салгыы арҕаа барбыт-
тарыгар, кэннилэриттэн балачча батыспытым... Кэлин, Москваҕа
үөрэнэ сылдьан билбитим, Саха талааннаах поэта Баал Хабы­
рыыс дойдутугар бу тиһэх кэлэн барыыта эбитин. Кини хатыҥыр,
уһун уҥуохтаах киһи этэ. Кэргэнэ Ольга Степановна Скубченко
скульптор идэлээҕэ, кини мастарыскыайыгар сылдьаммын саха
суруйааччыларыттан бэрт элбэх үлэни оҥортообутун сөҕө-мах-
тайа көрбүтүм. Ольга Степановна ыраас хааннаах, ис киирбэх
дьүһүннээх, топору эттээх-сииннээх дьахтар этэ. Кини дьүөгэ-
тин кэргэнэ нуучча аатырбыт-сураҕырбыт поэта, тылбаасчыта
Николай Иванович Глазковтуун мин эмиэ билсибитим. Николай
Глазков тылбааһынан поэт «Летающая рукавица» диэн оҕо-
лорго кинигэтэ бэрт сиэдэрэйдик уруһуйданан 1973 сыллаахха
Баал Хабырыыс бу олохтон суох буолта төрдүс сылыгар «Совет­
ская Россия» издательствоҕа 150000 ахсаанынан бэчээттэнэн
тарҕаммыта. Билигин бу кинигэни буларыҥ уустук.
Баал Хабырыыс хаһан баҕарар, ханна баҕарар суруйарын
туһунан кинини үчүгэйдик билэр дьон ахталлар: ыарыһах буолан
үгүстэ сытар балыыһаларын киһини баттыыр чуҥкук хосторугар,
олор быыстарыгар кус кэтиир дугдаҕа, от сытынан минньигэстик
170