Page 177 - Иван Мигалкин. Сүрэхтэн саҕыллар санаалар

поэзияҕа салаатын IV кууруһугар үөрэнэрим. Онтон хоһооннорум
иккис кинигэтэ 16 сыл буолан баран биирдэ бэчээттэммитэ. Ону
да, уларыта тутуу сыллара кэлэннэр, Наталья Харлампьева,
Урсун уонна Василий Тарабукин ис сүрэхтэриттэн өйөөн, олох
умнуллууга барыах киһини поэзия толоонугар хаттаан киллэр-
биттэрэ, Оттон Альберт Бүлүүйүскэй, Варя Потапова, Василий
Саввин, Дмитрий Дыдаев олох уларыйбытын кэннэ 20, 30 сыл
буолан баран бэчээттэннилэр.
Өр сылларга бэчээттэммэт буолууга хайа да бэйэлээх кэх-
тиэн, сайдымыан сөп. Манныкка, хаһан эрэ суруйааччы буолуох-
пут диэн ыра санаабыт биһигэ уостан, симэлийэн хаалыахтаах-
пытыттан быыһаатаҕа. Оччотооҕу мөккүөрдэрбитигэр, холуе
сырыыларбытыгар сыһыаннаах хоһоону Альберт барахсан са-
халыы дириҥ толкуйунан «Поэттарга» диэн ааттаан суруйбутун
билигин кэлэн соһуйа ааҕаҕын, философскай толкуйа киэҥин
сөҕөҕүн:
Доҕор-поэттарым, суохтаан кэллим
Дорҕоонноох дохсун мөккүөрдэрбитин:
«Ким дьиҥнээх талаанынан кэлин
Кэрэхсэнэн, тиллиэй?» — дэһэрбитин.
Бөтүүк курдук, түөспүтүн өтөтөн,
Бүтүннүү охсуһуох да буолларбыт,
Поэттар иллээхтэр ээ бэрт өртөн.
Биһиги да уорда намырайабыт.
Ааспытын кэннэ өйдөөтөххө,
Атастарыам, алҕаһыыр эбиппит:
Төһө да түмсүһэ түһээт, көххө
Түөспүтүн кырбанан да эрдэрбит,
Биһиги айыыбыт — айыы үһү дуо?! —
Биллэр — норуот уопсай айымньыта,
Ону сурукка тиһэрбит буолуо
Уонна киэбирэн туруохпут, хата!
Норуокка баар, олоҥхо кэриэтэ,
Номоххо туттуллар поэзия —
Кини улуутун, уран кэрэтин
Кэҕиннэрбэтэх хаппырыыс үйэ!
Онон, дойоттоор, түөһү тоҥсунан
Омуннурары ууратыаххайыҥ,
Саха аатын үрдүккэ ытыаран,
Норуот айбытынааҕар чулууну
Норуокка соҕотох киһи биэрбэт:
Аатырары, кэрэни, улууну
Аас үйэ бэлэһэр мэҥиэстибэт...
Бэйэтин кэмин чулуу поэттарыттан биирдэстэрэ Альберт
Бүлүүйүскэйдиин убай туттар поэтым Николай Дьяконов били-
һиннэрбитэ. Көрсүһэр, мустар уонна кэпсэтэр миэстэбит — ка-
173