Page 178 - Иван Мигалкин. Сүрэхтэн саҕыллар санаалар

фелар, пивбардар этилэр. Саҥа хоһооннор ааҕыллаллара, саҥа
санаалар этиллэллэрэ, биһигини холбооттуур, ситимниир сыр-
дык ырабыт биирэ — Поэт буоларга дьулуһуу, бар дьоммутугар
туох эрэ Кэрэни хаалларыы... Кэрэ диэн тылга үтүрүйтэрэн, тус
олохпутугар туохпут да суоҕа: олорор дьиэбит-уоппут, таптыыр
кэргэн, бэл диэтэр, таһаартарбыт халыҥ кинигэлэрбит... Баай-
быт-дуолбут барыта өйбүтүгэр-санаабытыгар баара... Дьон би-
һиэхэ сэнэбиллээх сыһыаннаахтара, оттон биһиги дьону өрө ту-
тарбыт, кинилэргэ кэрэни баҕарарбыт.
Альберт Бүлүүйүскэй тас көрүҥүн, хайдах тутта-хапта сыл-
дьыбытын тоҕо ахтыбаппыный диэтэххэ, Поэт дьүһүнэ-бодото —
кини хоһоонноругар баар. Кини хоһоонноро сырдыктар, нарын-
нар, киһи дууһатыгар истиҥник өйдөнүмтүөлэр. Ааспыт үйэҕэ
олорбут поэттартан биир чулуулара — Альберт Бүлүүйүскэй буо-
лара мэлдьэһиллибэт.

Тыыннаахтардыын тыыннаах курдук кэпсэтэ... — 2008 с.

ТУЙААРЫСКАЙДЫЫН БИИР КӨРСҮҺҮҮ
Ааспыт үйэ ортотугар киэҥник биллибит оҕо суруйааччыта
Константин Николаевич Дьячковскайы-Туйаарыскайы сирэй бил-
сибит, кэпсэппит, доҕордоспут дьон тарбахха баттанар хааллаҕа.
Кини кырачааннарга анаан суруйталаабыт остуоруйаларын,
кэпсээннэрин, хоһооннорун уонна сатиратын, тылбаастарын су-
ругу суруйар, буукубаны сүһүөхтээн ааҕар буолаат да, «Айан-
ньыт», «Таас симэх», «Тыллаах чыычаах», арыый улаата түһээт
«Куба куорсуна», «Ача» кинигэлэрин олус да умсугуйа ааҕыта-
лаабытым. Билигин да харахпар ол кинигэлэр көстөллөр.
Биһиги көлүөнэ уратыта — сахалыы кинигэлэри булан, улар-
сан ааҕыы этэ.
Оҕо сааспыттан Көстөкүүн Туйаарыскай, Бүөтүр Тобуруокап,
Баал Хабырыыс, Сергей Васильев, Моисей Ефимов, Семен Да­
нилов, Иван Гоголев уо.д.а. ааҕыталаабытым. Үһүс-төрдүс кы-
лаастарга номнуо, долгуйаммын ытыы-ытыы түүннэри Эрилик
Эристиин сэһэннэрин, Амма Аччыгыйын кэпсээннэрин, Николай
Островскай «Ыстаал хайдах хатарыллыбытын», М. Горькай
«Оскуолатын» уо.д.а. үгүһү-элбэби ааҕыталаабытым. Билигин
аһаҕастык этэбин: элбэҕи ааҕан, киһи-хара буолбутум.
Кыыдааннаах кыһын кэнниттэн сириэдийэ тыллар айылҕа ба-
рахсан толору күөҕүнэн симэнэн тылларын кэриэтэ, көлүөнэттэн
174