Page 182 - Иван Мигалкин. Сүрэхтэн саҕыллар санаалар

тын ситиһиилээхтик үөрэнэн бүтэрбитэ уонна 32 сыл устата ха-
рыс да халбарыйбакка биир тэрилтэҕэ, Саха сиринээҕи кинигэ из-
дательствотыгар үтүө суобастаахтык, таһаарыылаахтык үлэлээ-
битэ. Иннокентий Артамоновы аан бастаан 13 саастаахпар, өссө
пионер уол сылдьаммын, 1967 сыллаахха балаҕан ыйын 29 күнү-
гэр Сергей Васильев аттыгар турарын, иккиэн олус да мааны-
ларын, киһини тардар уратылаахтарын умсугуйа көрөн турар-
даахпын. Ити — саха суруйааччыларын аан бастаан көрүүм этэ.
Билигин да, харахпын симэн ыллахпына, «лыык» курдук мусту-
бут элбэх дьон ортотуттан кинилэр күлэ-үөрэ туралларын, төһө
да түөрт уонтан тахса сыл аастар, тыыннааҕынан тырымныыр
кэрэ хартыына буолан бу баардыы көрөн ылабын... Уһулуччу-
лаах поэт Сергей Васильевы аҕынналлар эрэ, мин туе бэйэм Ин­
нокентий Ивановиһы эмиэ истиҥник санаан кэлэбин. Ол, арааһа,
хаһан да умнубаттык иккиэннэрин бииргэ көрбүппүнэн буоллаҕа.
Аҕа дойдуну көмүскүүр Улуу сэрии кыттыылааҕа, Уус Ал­
дан улууһун бочуоттаах гражданина, ССРС бэчээтин туйгуна,
РСФСР норуотун үөрэҕириитин туйгуна, Саха Республикатын
культуратын үтүөлээх үлэһитэ Иннокентий Иванович Артамонов
төрдө-ууһа, архыып матырыйаала кэпсииринэн, 1776— 1861 сыл-
ларга олорбут Говоров Артамон Семенович диэн киһи буолар.
II Өлтөх сис баайдарын Говоровтартан сыдьааннаах Артамон
дьадаҥы кыыһы таптаан кэргэн ылбыт. Ону аҕата Сэмэн кинээс
сөбүлээбэккэ, бэйэтиттэн арааран, алаастарыттан биирдэстэри-
гэр олохтообут. Артамон Говоров аатын араспаанньа оҥорон,
биэс уолугар, икки кыыһыгар сүрэхтээбит. Онтон ыла икки үйэт-
тэн ордук кэм устата Арыылаахтан көс аҥаара илин турар алаа-
һы «Артамаан» диэн күн бүгүнүгэр диэри ытыгылаан ааттыыллар.
Артамаан биэс уолуттан силис тардан, аймах-билэ дьон буо­
лан, биллиилээх поэт Иннокентий Артамонов, Үлэ Кыһыл Зна-
мята уордьан кавалера, СР культуратын үтүөлээх үлэһитэ Илья
Иванович Артамонов, аатырбыт сылгыһыт, Норуоттар доҕор-
доһуулара, Үлэ Кыһыл Знамята уордьаннар кавалердара Афа­
насий Иннокентьевич Артамонов уо.д.а. тахсыбыттара. Поэт Ин­
нокентий Артамонов эһэтэ Степан Артамонович Артамонов бу
дойдуга аан бастаан бурдук ыһыытынан дьарыктаммыт эбит.
Аҕата Иван Степанович, ийэтэ Елена Захаровна холкуостаахтар.
Иннокентий Иванович ийэтэ эдэркээн сааһыгар сэллик ыарыыт-
тан өлөн, үс 050 тулаайах хаалбыт. Ийэлэрэ өлбүтүн кэннэ аны
аҕалара улаханнык ыалдьыбыт. Онон поэт оҕо сааһыттан быһыы
килиэп хантан кэлэрин этинэн-хаанынан ейдеен, холкуос быстах-
остох үлэтигэр күүһэ кыайарынан кыттан барбыта.
178