Page 180 - Иван Мигалкин. Сүрэхтэн саҕыллар санаалар

Бу олороммун, кини кэпсэтиигэ аһара уһуннук толкуйдаан баран,
олус бытааннык саҥарарын сөҕө санаабытым.
Дьиҥэр, аны сыл аҥаарыттан ордугунан бу олохтон букатын-
наахтык арахсыаҕын хантан билиэмий? Бука, ыарахан ыарыыга
ыллара сырыттаҕа.
Олоҕум устата саха угус суруйааччыларын кытта атах тэпсэн
олорон кэпсэппитим, сэһэргэспитим, күнү-күннүктээн сылдьан
кинилэр айар үлэлэрин кытта билсибитим. Арай саха норуотун
уһулуччулаах поэта Сергей Васильевтыын уонна оҕо аймах тап-
таан ааҕар аатырбыт суруйааччытын, поэтын Көстөкүүн Туйаа-
рыскайдыын бастакы уонна тиһэх төгүл көрсүһэн турардаахпын.
Константин Туйаарыскай 61 да сааһын туолбакка сылдьан суох
буолбутун туһунан ыарахан сураҕы Москваҕа үөрэнэ сырыт-
тахпына аҕа доҕотторум суруйбуттара. Константин Николаевич
Дьячковскай-Туйаарыскай сүүрбэччэ кинигэ суруйан хаалларбы-
та. Опору дөрүн-дөрүн дуоһуйа, астына ааҕабын. Кинилиин көр-
сүһүүбүн хаһан да умнубаппын.
Көстөкүүн Туйаарыскай. — 2018 с.

КЭРЭҔЭ КЫНАТТААБЫТ ПОЭЗИЯ

Саха талааннаах поэта Иннокентий Артамонов эдэркээн саа-
һыттан төрөөбүт норуотугар истиҥник биһирэммит, уос номоҕо
буолбут чулуу айымньылары суруйбута. Олор бэрт түргэнник
устан ааһар уонунан сыллар туманнарыгар — сиик буолан си-
мэлийбэккэ, сааскы угут сүүрүгүнүү эти-хааны сылааһынан толо-
роллор. Кини баара-суоҕа 31 саастааҕар «Мин мантан сэриигэ
барбытым» диэн суруйбут хоһоонун хайа саха долгуйа аахпа-
таҕа буолуой? Бу хоһоон ырыа буолан сүүһүнэн сүрэҕи, дууһаны
уйаннык да долгуттаҕа:
Мин мантан сэриигэ барбытым
Кыракый балаҕан дьиэбиттэн,
Ыраахха диэритин кэтэһэн
Турбута кырдьаҕас мин аҕам.
Мин мантан сэриигэ барбытым
Оскуола чуораанын хаалларан,
Саас буолан, чыычаахтаах чараҥым
Симэммит хатыҥын аттынан.
Омос ааҕыыга бу хоһоон тыллара судургулар, онон-манан
эргитэн эридьиэстээһинэ суох эрээри, киһи күннэтэ саҥарар
176